Президенттиң «Ишки ислер уйымлары ушын профессионал кадрларды таярлаўдың сапа жағынан жаңа системасын енгизиў бойынша илажлар ҳаққында»ғы қарарына муўапық, Ишки ислер министрлиги Академиясының Нөкис филиалы шөлкемлестириледи.
Бул ҳаққында Әдиллик министрлигиниң «Ҳуқықый мәлимлеме» каналы хабар берген.
Филиалда толық түрдеги оқыў процеси Академияның бакалавриаты бойынша күндизги билимлендириў түринде 2022/2023-оқыў жылынан басланады.
Филиалда билим алған питкериўшилерге Академия питкериўшилери ушын нәзерде тутылған диплом бериледи.
Филиалда оқыў ушын талабанлар дәслепки басқышта Қарақалпақстан Республикасы ҳәм Хорезм ўәлаятында, кейин ала республиканың басқа да аймақларында турақлы жасаўшы шахслар арасынан сайлап алынады.
Филиалға оқыўға қабыллаў квотасы Академияға улыўма қабыллаў квотасы шеңберинде Қарақалпақстан Республикасы ҳәм Хорезм ўәлаяты ишки ислер уйымларының талабын инабатқа алған ҳалда белгиленеди.
ӨзА