Жоқары ҳәм орта арнаўлы билимлендириў министрлигиниң хабар бериўинше 2020-2021-оқыў жылы ушын улыўма орта билим бериў мектеплериниң 9-класс питкериўши оқыўшыларын республика жоқары оқыў орынлары жанындағы академиялық лицейлерге ҳүжжетлерин онлайн қабыл етиў басланды.
Академиялық лицейлерде:
– анық пәнлер;
– тәбийий пәнлер;
– шет тиллери;
– социал-гуманитар пәнлер бағдарлары бойынша тереңлестирилген билим бериледи.
Ата-аналарға қолайлық жаратыў мақсетинде республикадағы барлық академиялық лицейлер ҳаққында мағлыўматлар ушын улыўмаластырылған арнаўлы телеграмм канал (https://t.me/LitseyAdmission2020) шөлкемлестирилди.
Бул канал арқалы мәмлекетимиздеги академиялық лицейлердиң рәсмий бетлери арқалы оқыўшылар өзлери таңлаған бағдарлар бойынша хүжжетлерин онлайн тапсырыў мүмкин болады.
Еслетип өтемиз ҳүжжетлерди қабыл етиў 30-июньге дейин даўам етеди.
А.Оразов,
Қарақалпақстан хабар агентлиги