USD 10500.03
EUR 12607.39
RUB 140.7

Пийшемби, 28 Март

Сайт тест режиминде ислеп тур. Қолайсызлықлар ушын кеширим сораймыз.

ШАВКАТ МИРЗИЁЕВ «MASDAR CITY» ТЕХНОПАРКИ МЕНЕН ТАНЫСТЫ

Өзбекстан Республикасы Президенти Шавкат Мирзиёев «Masdar City» технопаркине барды.

 Бул ҳаққында Өзбекстан Республикасы Президентиниң Баспасөз хызмети хабар берди.

«Masdar City» заманагөй технологиялар ҳәм инженерлик жетискенликлер тийкарында қурылған инновациялық қалаша болып есапланады. 600 гектарды ийелеген технопарк экологиялық таза аймақ болып есапланып, бул жерде тек ғана альтернатив энергия – қуяш батареялары ҳәм фотоэлектр қурылмаларынан пайдаланылады. Аймаққа автомобильлердиң кириўи қадаған етилген. Мәнзиллерге айдаўшысыз басқарылатуғын электр транспортларында барылады.

Сапар шеңберинде технопарктиң өзине сай өзгешеликлери ҳаққында айтып берилди. Атап өтилгениндей, бул жерде инновациялық қолланбалар жаратыў, олардан түрли тараўларда пайдаланыў ушын зәрүр илимий-дөретиўшилик орталық жаратылған. Көшелерде турақлы климатты тәмийинлеп туратуғын вентиляторлар, фонтанлар ҳәм бассейнлер қурылған.

Шавкат Мирзиёев қуяш панельлерин ислеп шығарыў бойынша илимий излениўлер алып барылатуғын лаборатория жумысы менен танысты. Бундай орынлар илим-техника жетискенликлеринен нәтийжели пайдаланған ҳалда инсанияттың қоршаған орталыққа тәсирин азайтыў, мәмлекетлер арасында илимий бирге ислесиўди беккемлеўде әҳмийетли орын тутатуғыны атап өтилди.

Мәмлекетимиз басшысы Халифа университетинде бул тараўда илимий излениў алып барып атырған өзбекстанлы студент-қыз бенен сөйлести. Бул жерде алған билим ҳәм тәжирийбелерин мәмлекетимизде енгизип, елимизде альтернатив энергетиканы раўажландырыўға үлес қосыў әҳмийетли екенлигин атап өтти.

a07bb05d-01c8-5fc2-61ed-b4e3eed3043d.jpg

e050ad9c-ce16-ee16-b439-50b2c5084893.jpg

7736697e-4bf7-76eb-66f8-06fbaaaa11d4.jpg

22bd0ec4-ff49-9bf4-a3a2-5057841d0912.jpg

 

ӨзА