Бурын хабар етилгениндей, усы жыл 29-ноябрь ҳәм 2-декабрь күнлери аралығында Нөкисте Олимпиада спорт түрлери бойынша спорттың бокс, еркин ҳәм грек-рим, ҳаяллар гүреси, дзюдо, каратэ WKF, таэквондо WTF, жеңил атлетика түрлеринен сайлап алыў жарыслары өткерилди.
Сайлап алыў жарыслары тийкарынан Өзбекстан Республикасы Президентиниң 2017-жыл 9-марттағы «Өзбекстан спортшыларын 2020-жылы Токио қаласында (Япония) болып өтетуғын XXXII жазғы Олимпиада ҳәм XVI Паралимпияда ойынларына таярлаў ҳаққында»ғы қарарында белгиленген ўәзыйпалардың орынланыўын тәмийинлеў мақсетинде өткерилип, онда Олимпиада спорт түрлери бойынша 17 жастағы ҳәм оннан жоқары болған спортшылар арасында ноябрь-декабрь айларында Қарақалпақстан Республикасы, ўәлаятлар ҳәм Ташкент қаласында сайлап алыў (селекция) жарыслары өткерилмекте.
Жарыстың Қарақалпақстан Республикалық басқышы өткерилип, онда спорттың грек-рим гүреси бойынша 6 салмақ категориясында жеңимпазлар анықланды. Атап айтқанда, Тимур Хожабаев (60 кг салмақта), Айдос Жумабаев (67 кг салмақта), Жаҳангир Қушбоков (77 кг салмақта), Марс Қазақбаев (87 кг салмақта), Умар Қалдибеков (97 кг салмақта), Нурланбек Қалдыбеков (130 кг салмақта)лар бириншиликти ийеледи.
Сондай-ақ, спорттың каратэ WKF түри бойынша Наргиза Муртазаева (55 кг салмақта), Жанна Жалғасбаева (61 кг салмақта), Улбосын Жанғазиева (+61 кг салмақта), Адхам Ибрахимов (67 кг салмақта), Айбек Аўезов (75 кг салмақта), Руслан Қалжанов (+75 кг салмақта) биринши орын жеңимпазы деп табылды.
Ал, еркин гүрес бойынша Мийрас Қушмуратов (57 кг салмақта), Шынберген Ембергенов (65 кг салмақта), Айбек Мақсетбаев (74 кг салмақта), Арыслан Жумабаев (86 кг салмақта), Әжинияз Сапарниязов (97 кг салмақта), Дилмухаммед Нурмухаммедов (125 кг салмақта)лар биринши орын жеңимпазы болды.
Спорттың таэквондо WTF түри бойынша Мая Мәтбердиева (49 кг салмақта), Гөззал Дәрментаева (57 кг салмақта), Атабек Жумабаев (58 кг салмақта), Шынаргүл Төлегенова (67 кг салмақта), Мунира Салаева (+67 кг салмақта), Азамат Сапарбаев (68 кг салмақта), Саламат Асылбеков (80 кг салмақта), Ислам Юлдашев (+80 кг салмақта) жеңимпаз болған болса, дзюдо бойынша Юлиана Мақсетбаева(48 кг салмақта), Гүлзар Алланазарова (52 кг салмақта), Мехрийбан Губенова (57 кг салмақта), Раўшан Амангелдиева (63 кг салмақта), Анвар Алламбергенов (66 кг салмақта), Ханзада Хожамуратова (70 кг салмақта), Тахир Узакбергенов (73 кг салмақта), Сайлаўбай Жумамуратов (81 кг салмақта), Ерназар Сәрсенбаев (90 кг салмақта), Асқар Ибрагимов (100 кг салмақта), Азат Орынбаев (+100 кг салмақта) биринши орын жеңимпазы деп табылды.
Сондай-ақ, ҳаяллар гүреси бойынша Роза Сейтмуратова (50 кг салмақта) Сураё Өтемуратова (53 кг салмақта), Әмина Әлимбетова (57 кг салмақта), Арыўхан Жумабаева (62 кг салмақта),Қалбазар Нарбаева (68 кг салмақта), Нилуфар Гадаева (76 кг салмақта), ал жеңил атлетика бойынша Мансур Машарипов, Илхам Мырзамуратов, Дилназа Мырзабаевалар, бокс бойынша Жанибек Тәжибаев (52 кг салмақта), Ислам Қыдырбаев (57 кг салмақта), Нурқас Қалдықулов (63 кг салмақта), Қуўанышбай Өмирзақов (69 кг салмақта), Элбурс Садуллаев (75 кг салмақта), Марданбек Камалов (81 кг салмақта), Әжинияз Камалбаев (91 кг салмақта), Избасар Фазылов(+91 кг салмақта)лар жеңимпаз деп табылды.
Солай етип, 54 спортшы Ташкент қаласында өткерилетуғын республикалық басқышқа жолламаны қолға киргизди.
Т.СЕЙТНАЗАРОВА,
Қарақалпақстан хабар агентлигиниң хабаршысы