«Саламат турмыс тәризин жоқарылатыўда пуқаралық жәмийети институтларының белсендилигин арттырыў, оның нәтийжелерин ғалаба хабар қуралларында кеңнен жарытыўды қоллап-қуўатлаў» атамасында мәмлекетлик грант қосымша таңлаўын

ЖӘРИЯЛАЙДЫ

Таңлаўға мәмлекетлик емес коммерциялық емес шөлкемлердиң ҳәм басқа да пуқаралық жәмийети институтларының төмендеги жәмийетлик мақсетлерди әмелге асырыўды нәзерде тутқан жойбарлары қабыл етиледи:

  1. Халықтың кең қатламларын (нураныйлар, жаслар, ҳаяллар ҳәм басқалар) денетәрбияға ҳәм спортқа тартыў.
  2. Мәҳәллелерде денетәрбия менен спорттың раўажланыўына шараят жаратыў, саламат турмыс тәризин ен жайдырыўға жәрдемлесиў.
  3. Жаслардың жәмлеспеген қатламларын ҳәр қыйлы спорт дөгереклерине, спорт жарысларына тартыў, бос ўақытларын мазмунлы шөлкемлестириў.

4.Таўлы, узақ ҳәм шегара аймақларында халықтың денетәрбия менен шуғылланыўына кеңнен шараят жаратыў.

  1. Саламат турмыс тәризин ен жайдырыўда билимлендириў ҳәм денсаўлықты сақлаў мәкемелериниң, мәҳәлле ҳәм шаңарақтың өз-ара бирге ислесиўин күшейтиў.
  2. Мәмлекетлик уйымлар менен биргеликте мәҳәллелерде ҳәр қыйлы спорт дөгереклериниң жумысын жолға қойыў, жәрдемге мүтәж шаңарақ ўәкиллериниң турақлы денетәрбия менен шуғылланыўын тәмийинлеў.
  3. Саламат турмыс тәризин үгит-нәсиятлаўға қаратылған көргизбели материалларды ислеп шығыўда социаллық шерикликти күшейтиў.
  4. Мәҳәллелерде түрли бағдарларда спорт ҳәм халық ойынлары жарысларын шөлкемлестириў.
  5. Имканияты шекленген жаслардың спорт пенен шуғылланыўында түрли спорт тараўындағы мәмлекетлик емес коммерциялық емес шөлкемлердиң жумысын қоллап-қуўатлаў.
  6. Саламат турмыс тәризин ен жайдырыўда ғалаба хабар қуралларының ролин ҳәм әҳмийетин күшейтиў.
  7. Мәҳәллелерде халықаралық жарыслардың жеңимпазлары, республика чемпионлары ҳәм спорт шеберлериниң қатнасыўында түрли мәнаўий илажларды шөлкемлестириў.

Мәмлекетлик грант таңлаўында қатнасыў ушын төмендеги ҳүжжетлер усынылады:

  1. Шөлкем басшысы тәрепинен қол қойылған ҳәм мөр менен тастыйықланған жоллама хаты.
  2. www.fundngo.uz веб-сайтанда жайластырылған түрде толтырылған мәмлекетлик грант жойбары ушын арза.
  3. Мәмлекетлик дизимнен өткерилген Устав (Режеси) ҳәм гүўалықтық мөр менен тастыйықланған нусқасы.
  4. Егер жойбарды әмелге асырыў лицензияланатуғын жумысты талап етсе, онда лицензияның нусқасы усынылады.
  5. Мәпдар мәмлекетлик ҳәм ири жәмийетлик шөлкемлер менен дүзилген социаллық шерикликтиң қоспа режелери де қосымша етилиўи мүмкин.

Бир жойбар ушын мәмлекетлик гранттың муғдары 30 миллион сумға шекем.

Ҳүжжетлер 2018-жыл 26-октябрьден 28-ноябрьге шекем қабыл етиледи.

Ҳүжжетлер «Олий Мажлис жанындағы жәмийетлик қор» атына:

100163, Ташкент қаласы, Ислам Кәримов көшеси, 43-жай мәнзилине «Өзбекстан почтасы» арқалы мөрленген конвертте (А4 форматта) жиберилиўи шәрт.

Ҳүжжетлердиң үлгилери менен  Олий Мажлис жанындағы жәмийетлик қордың www.fundngo.uz рәсмий веб-сайтында танысыў мүмкин.

Мағлыўмат ушын телефонлар: (0-371) 239-26-76, 239-26-86.