Әдиллик министрлиги системасында соңғы ўақытларда жүз берген тайынлаўлар ҳаққында министрликтиң баспасөз хызмети хабар берди, деп жазады Kun.uz сайты.
Салауатдин Худайбергенов – 2018-жыл 15-октябрьден баслап Қарақалпақстан Республикасы Әдиллик министри лаўазымына тайынланған.
С.Худайбергенов 1995-1999-жыллары Қарақалпақстан Республикасы Әдиллик министрлиги, 1999-2006-жыллары Өзбекстан Республикасы Әдиллик министрлиги, 2006-2012-жыллары Министрлер Кабинетинде жуўапкерли лаўазымларда, 2012-2015-жыллары Қарақалпақстан Республикасы Әдиллик министри лаўазымында, 2015-жылдан лаўазымға тайынланғанға шекем Олий Мажлис Нызамшылық палатасы депутаты лаўазымында ислеп келген.
Улуғбек Машарипович Машарипов – 2018-жыл 23-октябрьден Қарақалпақстан Республикасы Әдиллик министриниң орынбасары лаўазымына тайынланды ҳәм усы мүнәсибет пенен Мәмлекетлик емес коммерциялық емес шөлкемлер басқармасы бөлим баслығы лаўазымынан азат етилди.
У.Машарипов 2012-жылдан Әдиллик министрлиги системасында нәтийжели мийнет етип келмекте.
Қарақалпақстан хабар агентлиги