Халықаралық спорт изертлеўлери орайы (CIES Football Observatory) жәҳән футболының ең перспективалы футболшылары рейтингин жәриялады.
CIES экспертлери 21 жасқа шекемги футболшылардың «Wyscout» мағлыўматлары тийкарында жәҳән футболының ең перспективалы он орайлық қорғаўшысы рейтингин қәлиплестирди. Әҳмийетлиси, Өзбекстан миллий сайланды командасы ҳәм «Ланс» клубының орайлық қорғаўшысы Абдуқодир Ҳусанов бул рейтингте 100 ден 81,8 балл топлап, ең жоқары орынды ийеледи. Күшли үшликтен Италияның «Фиорентина» клубын қорғап атырған италиялы қорғаўшы Пьетро Комуццо ҳәм Бельгияның «Генк» клубы ўәкили Матте Сметс да орын алды.
Бул мәўсим Абдуқодир Ҳусанов «Ланс» қурамында Франция чемпионаты ҳәм кубоги, Европа лигасы сыяқлы абырайлы жарысларда жоқары үлгиде ойын көрсетип келмекте.
Абдуқодир Ҳусанов бул мәўсимде барлық турнирлерде 16 ушырасыўда қатнасты. Сондай-ақ, жас футболшымыз Өзбекстан миллий сайланды командасы қурамындағы ойынлары санын 18 ге жеткерип алды.
Қарақалпақстан хабар агентлиги