Өзбекстан Республикасы Министрлер Кабинетиниң тийисли қарары менен бир қатар университет ҳәм институтларда ректорлар алмасты. Бул ҳаққында Бас министрдиң баспасөз хаткери Бекзод Ҳидоятов хабар берди.
Тийисли қарары менен Виктор Вениаминович Нам Ташкент қаласындағы Пучон университети ректоры лаўазымынан босатылды ҳәм оның орнына Агриппина Василевна Шин тайынланды.
Сондай-ақ, Қаҳраман Танзилович Олимов Ташкент қаласындағы «А.И.Герцен атындағы Россия мәмлекетлик педагогикалық университети» федерал мәмлекет бюджети жоқары билимлендириў орны филиалының атқарыўшы директоры лаўазымынан босатылды. Оның орнына Виктор Вениаминович Нам тайынланды.
Атап өтилиўинше, Элдар Садикович Юлдашев Ташкент қаласындағы «С.А.Герасимов атындағы Пүткилроссия мәмлекетлик кинематография институты» федерал мәмлекет бюджети жоқары билимлендириў орны филиалының директоры лаўазымынан босатылды. Оның орнына Иқбол Мамасодиқович Мелиқўзиев тайынланды.
Юнус Ражабий атындағы Өзбек миллий музыка көркем өнери институтының оқыў ислери бойынша проректоры Элдор Ўралович Шерманов ректор ўазыйпасын ўақтынша атқарыўшы етип тайынланып, 6 ай сынақ мүддети берилди.
Алдынырақ, Мектепке шекемги билимлендириў агентлиги жумысы сапластырылғаны ҳаққында хабар берилген еди.
Қарақалпақстан хабар агентлиги