Бас прокуратура жанындағы департаменттиӊ Қарақалпақстан Республикасы басқармасы тәрепинен Мәмлекетлик қәўипсизлик хызмети ҳәм Ишки ислер министрлиги хызметкерлери менен биргеликте өткерилген оператив илажда оқыўға киргизип бериўди ўәде еткен пуқара усланды.
Атап айтқанда пуқара А.У. пуқара Г.У. дың исенимине кирип, оған Қазақстан Республикасындағы институтта оқығанлығы ҳаққындағы ҳүжжетлерди таярлап бериў арқалы Қарақалпақ мәмлекетлик университетине оқыўға киргизип бериўди ўәде етеди. Буның ушын 14 миллион сумды алдаўшылық жолы менен алған ўақтында айғақлы дәлиллер менен усланды.
Бул жағдай бойынша Өзбекстан Республикасы Жынаят кодексиниӊ тийисли статьялары менен жынаят иси қозғатылып, тергеў ҳәрекетлери алып барылмақта.
Қарақалпақстан хабар агентлиги