Усы жыл 24-июнь күни пайтахтымыздағы 1-санлы балалар ҳәм жас өспиримлер спорт мектебинде 26-июнь-«Халықаралық нәшебентликке қарсы гүресиў күни»не бағышланып, спорттың каратэ WKF түри бойынша балалар ҳәм жас өспиримлер және қызлар арасында ашық турнир өткериледи.
Жарысты өткериўдеги мақсет – елимизде балалар спортын раўажландырыў, жасларды нәшебентлик, диний экстремизм ҳәм басқа да жаман иллетлерден сақлап, саламат турмыс тәризинде тәрбиялаўдан ибарат.
Жарысқа республикамыздың барлық қала ҳәм районларынан 5 жастан 17 жасқа шекемги спортшылар қатнасады.
Жарыста ер балалар 15 салмақ категориясында, ал қызлар 10 салмақ категориясында өз-ара күш сынасады.
Бул ҳаққында толық ҳәм ҳәр тәреплеме мағлыўмат берип барамыз.
Т.СЕЙТНАЗАРОВА,
Қарақалпақстан хабар агентлигиниң хабаршысы