Әмиўдәрьяда быйыл жаңа жыл байрамын күтип алыў илажлары өзгеше түрде өткерилмекте. Районның барлық жерлеринде байрам кейпияты сезилип турады. Халықтың, әсиресе балалардың байрам шадлықларына бөлениўи ушын ҳәр қыйлы кеўил ашар илажлар шөлкемлестирилмекте.
Күни кеше районда 100 ден аслам Аяз-ата ҳәм Қар қызы көшелер бойлап халыққа байрам кейпиятын бағышлап, балаларға саўғалар тарқатты. Шырша әтирапында байрам кеўилли өткерилди. Балалар бул көринистен қуўанышқа бөленип, тақмақ ҳәм қосықлар айтып, саўғалар алды.
Қарақалпақстан хабар агентлиги