29-күни Нөкис олимпиада резервлери колледжинде Қарақалпақстан Республикасы Халық билимлендириў министрлиги системасындағы улыўма билим бериў мектебиниң оқыўшы жаслары арасында XXXVI-«Қуўнақ стартлар-2018» телезиялық жарысының Қарақалпақстан Республикалық басқышы өткерилди.
Оған Нөкис қаласынан, Нөкис, Әмиўдәрья, Беруний, Шымбай, Кегейли, Қанлыкөл ҳәм Қоңырат районларынан спортшылар қатнасты.
Жарыс жуўмағында Нөкис районындағы 1-санлы улыўма билим бериў мектебиниң «Ақмаңғыт» командасы биринши, Қанлыкөл районындағы 2-санлы улыўма билим бериў мектебиниң «Дослық» командасы екинши, Беруний районындағы 59-санлы улыўма билим бериў мектебиниң «Туран» командасы үшинши орынды ийеледи.
Солай етип, «Ақмаңғыт» командасы июнь айында Ташкент қаласында өткерилетуғын финаль басқышына жоллама алды.
Т.СЕЙТНАЗАРОВА,
Қарақалпақстан хабар агентлигиниң хабаршысы