13-17-декабрь күнлери Шыршық қаласында пара  пауэрлифтинг бойынша Өзбекстан кубоги болып өтти.

Жарысқа қарақалпақстанлы пара спортшылар да табыслы қатнасып, өткерилген беллесиўлер жуўмағында, 7 алтын, 3 гүмис ҳәм 4 қола медальларын қолға киргизиўге миясар болды.

Атап айтатуғын болсақ, ҳаял-қызлар арасында Шахноза Қудайбергенова, Турсынай Турсынбаева ҳәм Турсынай Орақбаевалар алтын, Бийбируза Шерниязова менен Насиба Нурымбетовалар гүмис, Айсара Орақбаева қола медальларын жеңип алыўға еристи.

Ал, ерлер арасында болса, Дәўран Қутлымуратов, Азиз Пердебаев, Ахмет Мақсетбаев ҳәм Акмал Кәримбаевлар биринши, Азиз Атажанов екинши, Испандияр Султамуратов, Азамат Уразбаев ҳәм Қошетер Оңғарбаевлар үшинши орынларды ийелеўге миясар болды.

Республикамыздың пара спортшыларын жарысқа Қ.Оразымбетов, И.Рузибаев, Ж.Атаниязов, Б.Шуўақбаев ҳәм Д.Разбановлар таярлады.

Адилбай Оразов,

Қарақалпақстан хабар агентлиги шолыўшысы.