Ташкент қаласында спорттың грек-рим, еркин гүрес ҳәм ҳаял-қызлар гүреси бойынша ересеклер арасында Өзбекстан чемпионаты болып өтти.
Онда қарақалпақстанлы спортшылар да табыслы қатнасты. Атап айтатуғын болсақ, грек-рим гүреси бойынша 87 кг салмақта қатнасқан Жалғасбай Бердимуратов, ҳаял-қызлар гүреси бойынша –50 кг салмақта Ақтеңге Кеўнимжаева, -59 кг да Айсәнем Қурбанбаева, -62 кг да Гүлмира Аймуратова, -68 кг да Набира Есенбаева барлық қарсыласларын жеңип шығып, Өзбекстан чемпионы атағын жеңип алыўға миясар болды.
Ал, Гүлчеҳра Шамуратова, Улмекен Есенбаева, Нилуфар Утемисова, Дилфуза Айымбетова, Гүлнара Шыныбаева, Арыўхан Жумабаева, Қалбазар Нарбаева, Валентина Төрениязовалар өз салмақ категорияларында гүмис, Миясар Қўшмуратова, Хуршида Қасымова, Сурайё Утемуратова, Феруза Есенбаева, Сандыўғаш Жиенбаева, Мавлуда Қалбаева, Ақсүңгил Азизова ҳәм Гөззал Аллаяровалар қола медальларын ийелеўге еристи.
Ал, еркин гүрес бойынша 79 кг да Арыслан Жумабаевлар 3-орынды жеңип алды.
Адилбай Оразов,
Қарақалпақстан хабар агентлиги шолыўшысы.