Кеше Индонезияда футбол бойынша жас өспиримлер арасында өткерилип атырған жәҳән чемпионатында Өзбекстан сайланды командасы ағзалары 3-турда топар жетекшиси Испания сайланды командасы менен 2:2 есабында ойнағаны ҳәм мәмлекетимиз футболшыларының кейинги басқышқа шығыў имканияты бар екенлиги ҳаққында мәлим еткен едик.
«А» топарында өткерилген 3-тур ойынларынан соң, Өзбекстан сайланды командасының 1/8 финал ойынларына жоллама алғаны мәлим болды. Себеби, кейинги басқыш жолламасы ушын гүрес жүргизип атырған индонезиялы футболшылар 3-турда Мароккоға жеңилип қалды ҳәм 2 упай менен өз топарында 3-орында қалып кетти.
Ал, бүгин болса, «С» ҳә «Д» топарларында 3-тур ойынлары өткериледи. Атап айтатуғын болсақ, «С» топарында кейинги басқыш жолламасы ушын гүрес жүргизип атырған Иран-Жаңа Каледония, Англия -Бразилия, «Д» топарында Япония-Аргентина, Сенегал-Польша ойынлары болып өтеди.
Адилбай Оразов,
Қарақалпақстан хабар агентлиги шолыўшысы