Кеше футбол бойынша Европа чемпионлар лигасының топар басқышында 4-тур ойынлары өткерилди.

Олардың биринде  Мадридтиң «Реал» клубы Португалияның «Брага»сы менен ушырасып, 3:0 есабында жеңиске еристи.

Ал, Мюнхенниң «Бавария»сы болса, бул турда Түркияның «Галатасарай» клубы менен ойнап, 80 ҳәм 86-минутларда  Харри Кейн тәрепинен урылған голлардың есабынан 2:1 есабында жеңиске еристи. «Галатасарай» қурамында  Бакамбу 1 гол урыўға еристи.

Англияның ең атақлы клубыларының бири «Манчестер Юнайтед» 4-турда Данияға сапар етип, жергиликли «Копенгаген» клубына 3:4 есабында жеңилип қалды.

Лондонның «Арсенал» ҳәм Испанияның «Севилья» клублары арасындағы ойында болса, лондонлылар 2:0 есабында жеңиске еристи.

Адилбай Оразов,

Қарақалпақстан хабар агентлиги шолыўшысы.