Қазақстан ҳәм Өзбекстан мәмлекетлик шегарасын демаркациялаў процесин толық жуўмақлады. Бул ҳаққында қоңсы мәмлекеттиң сыртқы ислер министрлигиниң рәсмий ўәкили Айбек Смадияров мәлим еткен.
«Казинформ» хабарына бола, 2023-жыл 4-июльде «Қазақстан Республикасы ҳәм Өзбекстан Республикасы арасында Қазақстан – Өзбекстан мәмлекетлик шегарасын демаркациялаў ҳаққында»ғы келисим күшке кирди.
Ҳүжжетке 2022-жыл 2-декабрь күни Ташкент қаласында еки мәмлекет басшылары тәрепинен қол қойылған ҳәм парламентлер тәрепинен ратификацияланған. Бул келисим 19 жыл даўам еткен процесс ақырына жеткерилгенин билдиреди. Узынлығы 2357 км шегара 1301 шегара белгиси менен ажыратылды ҳәм сегиз мың беттен аслам демаркация ҳүжжетинде сәўлелендирилди.
ӨзА