Сайлаў – 2023
Пүткил Республикамыз бойлап даўам етип атырған Өзбекстан Республикасы Президенти сайлаўы Тақыятас районында да көтериңкилик жағдайында өткерилмекте.
Районда 35 мыңнан аслам сайлаўшы дизимге алынған болып, соннан бүгинги күнге шекем мүддетинен алдын 381 пуқара даўыс берген.
Район турғынлары өзлери таңлаған талабанларға даўыс берип, сайлаўға белсене қатнаспақта.
Сайлаў процесине районның сектор басшылары да қатнасып, мәмлекетимиздиң айдын келешеги ушын өзи мүнәсип, деп билген талабанларына даўыс берди.
Ҳәзирги ўақытта районда сайлаў процеси қызғын даўам етпекте.
Қарақалпақстан хабар агентлиги.