Өзбекстан «Адолат» социал-демократиялық партиясынан Өзбекстан Республикасы Президентлигине талабан Робахон Махмудованың сайлаўалды бағдарламасында белгиленген тийкарғы ўазыйпалар менен жәмийетшиликти және де жақынырақ таныстырыў мақсетиндеги үгит-нәсият илажлары даўам етпекте.
Бүгин Хожели районының пуқаралар көп топланатуғын орынларында Президентликке талабан Робахон Махмудованың сайлаўалды бағдарламасы ҳаққында сайлаўшыларға бир қатар мағлыўматлар берилип, үгит-нәсият жумыслары алып барылды.
Илаж даўамында кең жәмийетшилик ўәкиллерине, пуқараларға усы жыл 9-июль күни өткерилиўи режелестирилген әҳмийетли сиясий процесс – Өзбекстан Республикасы Президенти сайлаўы ҳәм талабанның сайлаўалды бағдарламасының мазмун-мәнисин өзинде жәмлеген буклетлер тарқатылды.
Илажларда пуқаралар қәнигелерден өзлерин қызықтырған сораўларға жуўап алды.
Өзбекстан Республикасы Президенти сайлаўы алдынан орынлардағы үгит-нәсият илажлары даўам етпекте.
Қарақалпақстан хабар агентлиги