Ташкенттеги Ҳайдар Алиев атындағы Әзербайжан Мәденият орайының басламасы ҳәм буйыртпасына бола, «Өзбекстан почтасы» АЖ тәрепинен «Әзербайжан халқының Улыўма миллий Лидери Ҳайдар Алиевтиң 100 жыллығы» атамасында почта маркасы айланысқа басып шығарылды.
Жетекшиниң портрети түсирилген марка Әзербайжан Республикасы Президенти тәрепинен 2023-жыл «Ҳайдар Алиев жылы» деп жәрияланыўы мүнәсибети менен таярланды.
Бул марка ҳәр еки мәмлекеттиң музейлерине, мәмлекет ҳәм ҳүкимет ўәкиллерине жибериледи, Өзбекстанның атынан ишки ҳәм халықаралық айланысқа шығарылады.
Мәденият орайынан мәлим етиўинше, елимизде Ҳайдар Алиевтиң 100 жыллығына бағышланған илажлар қызғын даўам етпекте. Улыўма миллий жетекшиниң бай мийрасын үгит-нәсиятлаў бойынша бир қатар жойбарлар әмелге асырылмақта.
Ғ.Хонназаров, ӨзА