Наўайы мәмлекетлик кәншилик ҳәм технологиялар университети жанындағы Нөкис кәншилик институты студент-жасларының бәнтлигин тәмийинлеў мақсетинде «Карьера күни» мийнет ярмаркасы болып өтти.

Мийнет ярмаркасында Нөкис қалалық бәнтликке жәрдемлесиў орайы, «Prime electric engineering» жуўапкершилиги шекленген жәмийети, «Enter Engineering Pte.Ltd» компаниясы, «Өзбекгеофизика» акционерлик жәмийетиниң «Үстирт геофизика экспедициясы», «Аралбойы дала гидрогеология экспедициясы», «Қоңырат сода заводы», Нөкистеги «Жумысқа мәрҳамат» моноорайы сыяқлы 15 ке шамалас кәрхана ҳәм шөлкемлер бос жумыс орынлары менен қатнасты.

Илаж даўамында студентлер жумыс бериўшилер менен тиккелей сәўбетлесип, өзлерин қызықтырған сораўларына жуўап алды.

Қарақалпақстан хабар агентлиги