Өзбекстан Қаҳарманы, халық шайыры Ибрайым Юсуповтың туўылғанына 94 жыл толыўы мүнәсибети менен Өзбекстан мәмлекетлик көркем өнер ҳәм мәденият институты Нөкис филиалында «Сиз мәӊги жасайсыз поэзия жулдызы» атамасында әдебий кеше өткерилди.
Кешеде Өзбекстан халық артисти, профессор Н.Аңсатбаев , жас дөретиўши шайыр С.Сырғабаевалар шығып сөйлеп, шайырдың өмири ҳәм дөретиўшилиги ҳаққында кең түрде мағлыўмат берип өтти.
Буннан соң, филиал студентлери тәрепинен «Аязий» спектаклинен үзиндилер ҳәм шайырдың шығармаларынан қосықлар, монологлар атқарылып, бул жыйналғанларда айрықша тәсир қалдырды.
Өткерилген әдебий кешеде «Рёжиссура ҳәм актёр шеберлиги» қәнигелиги студент жаслары өзлериниң айрықша белсендилигин көрсетти.
Адилбай Оразов,
Қарақалпақстан хабар агентлиги шолыўшысы