Өзбекстан Республикасы Президенти жанындағы Статистика агентлиги баспасөз хызметиниң мағлыўматларына бола, Өзбекстан 2023-жылдың январь-февраль айларында 9 сырт ел мәмлекетлерине 7,9 млн АҚШ долларына тең болған 3,4 млн аяқ кийим экспорт еткен.
Аяқ кийим көлеми өткен жыл менен салыстырғанда 2,4 млн АҚШ долларға көбейген.
2023-жылдың 2 айында Өзбекстан ең көп аяқ кийим экспорт еткен мәмлекетлер дизиминде Қырғызстан Республикасы – 1, 5 млн доллар менен биринши орынды ийелеп тур. Сондай-ақ, мәмлекетимизде ислеп шығарығлан аяк кийимлерге Қазақстан, Тәжикстан ҳәм Әзербайжан Республикаларында да талап артып баратырганлыгын көриўимизге болады.
Ал, аймақлар кесиминде болса, Әндижан ўәлаяты – 4,6 млн АҚШ доллары менен биринши, Ферғана-1,0 млн АҚШ доллары менен екинши, 758 мың АҚШ доллары менен Самарқанд ўәлаяты үшинши орынды ийелеп тур.
Ф.Муслатдинова,
ҚМУ 4- курс студенти.
Қарақалпақстан хабар агентлиги