Футбол бойынша Европа Чемпионлар Лигасы шерек финалыныӊ дәслепки қарама-қарсылығы бойынша еки ойын 12-апрель, сәршемби күни болып өтти.
«Реал» өз майданында «Челси»ди қабыл етти. Ушырасыўдыӊ 21-минутында Карим Бензема гол урды.
74-минутта Марко Асенсио «Реал»дыӊ екинши голын урды. Қалған минутларда Челси командасы толығы менен өзиниӊ майданында қорғаныўға мәжбүр болды.
Және бир ойын «Милан» ҳәм «Наполи» командалары арасында болды. Ойынныӊ 40-минутында Исмаел Беннасер миланлыларды алға алып шықты. Буннан соӊ басқа гол урылмады. Милан минимал есапта Наполиди жеӊди. Бул дегени кейинги ойында буннан да күшлирек гүрес болады.
Азизбек Дабылов,
ҚМУдың Интернет журналистикасы тәлим бағдарының 4-курс студенти.
Қарақалпақстан хабар агентлиги