Кеше түнде болып өткен Реал Мадрид ҳәм Барселона арасындағы ойын ҳаққында барлығыздың хабарыңыз бар. Ойын Барселона ушын қыйын, ал Реал ушын болса аңсат болып өтти. Реал Мадрид қарсылас командасын 4:0 есабында жеңип, финалға жол алды. Ал ойын ҳаққында “Барселона” бас тренери Хави төмендегише пикирлерди айтты:

“Бул нәтийжени қабыл етиў мен ушын қыйын. Биринши бөлимди жақсы өткердик, бирақ ҳеш қандай үстинликке ерисе алмадық. “Реал Мадрид” ҳәр қашан, ҳәр қандай турнирде жеңиске ерисиўге даўагер. Бүгин олар топ команда екенлигин ашық-айдын көрсетти.

Биз ақырына шекем ойнадық. Жуўмақлап айтқанда, футболда өз имканиятыңызды жүзеге шығарыў әҳмийетли. Имканиятларымыздан пайдалана алмадық”, – деди Хави Ернандес.

Азизбек Дабылов,

ҚМУ Интернет журналистикасы

тәлим бағдарының 4-курс студенти,

Қарақалпақстан хабар агентлиги