Билим ҳәм маманлықларды баҳалаў агентлиги жанындағы Илимий-оқыў әмелий орайы тәрепинен TOEFL ITP ҳәм TOEIC имтиханлары ушын талапкерлерди онлайн дизимге алыў басланды.
Талапкерлерди дизимге алыў my.uzbmb.uz сайты («Илимий орай» бөлими) арқалы әмелге асырылмақта ҳәм усы жылы 18-апрельге шекем даўам етеди.
Имтиханлар 20-апрель күни Ташкент қаласында Билим ҳәм маманлықты баҳалаў агентлиги (алдынғы Мәмлекетлик тест орайы) имаратында компьютерде электрон тәризде өткериледи.
TOEFL ITP ҳәм TOEIC имтиханларынан табыслы өткен талапкерлерге ETS шөлкеминиң халықаралық сертификатлары бериледи.
Мағлыўмат орнында атап өтиў керек, TOEFL ITP ҳәм TOEIC сертификатлары халықаралық тән алынған сертификатлар болып, бул сертификатларға ийе болған талапкерлер тийисли нызамшылыққа бола, белгиленген жеңилликлерден пайдаланыўы мүмкин болады.
ӨзА