Нөкис қаласы Кураш орайында усы жыл 14-15-март күнлери спорттың кураш түри бойынша Қыдырбай Жүсипбековтың естелигине бағышланған 2007-2009 ҳәм 2013-2015-жыллары туўылған жас өспиримлер арасында республикалық турнир өткерилди.
Турнирге республикамыздың қала ҳәм районларынан келген, жәми 12 команда қурамында 109 спортшы қатнасты.
Жарыс халықаралық кураш қағыйдаларына муўапық өткерилди.
Жарысты Өзбекстан кураш Федерациясы Қарақалпастан Республикасы бөлими тәрепинен усынылған Қарақалпақстан Республикасы Жаслар сиясаты ҳәм спорт министрлиги тәрепинен тастыйқланған төрешилер қурамы бақлап барды.
Жарыстың ашылыў ҳәм жабылыў мәресимлеринде Қарақалпақстан Республикасы Жаслар сиясаты ҳәм спорт министрлигиниң бөлим баслығы А.Темирханов ҳәм Өзбекстан кураш Федерациясы Қарақалпақстан Республикасы бөлиминиң атқарыўшы директоры С.Жүсипбековлар қатнасып, елимизде спортты раўажландырыў, әсиресе, миллий спорт түри болған кураштың ғалаба ен жайыўы ушын исленип атырған жумыслар, өткерилип атырған илажлар ҳәм нәтийжелерге кеңнен тоқтап өтип, жас қатнасыўшыларға жақсы тилеклерин билдирди.
Жарыста Мойнақ районынан Мырзакәрим Жийенбаев (26кг), Султанбек Алимбаев (29кг), Жасур Аманбаев (32кг), Нөкис қаласынан Нурасыл Оралбаев (35кг), Қоңырат районынан Баўбек Адайбаев (46кг), Нөкис қаласынан Шерзад Медетбаев (50кг), Нөкис олимпия ҳәм паралимпия резервлери колледжинен Шухрат Абилаков (60кг), Нөкис олимпия резервлери колледжинен Ықлас Кеңесбаев (65кг), Нөкис қаласынан Руслан Толыбаев (+65кг)лар биринши орынды ийелеп, жеңимпаз болды.
Жарыс жеңипазлары Қарақалпақстан Республикасы Жаслар сиясаты ҳәм спорт министрлиги ҳәм Өзбекстан кураш Федерациясы Қарақалпақстан Республикасы бөлими тәрепинен таярланған арнаўлы диплом, медаль ҳәм баҳалы саўғалар менен сыйлықланды.
Ә.Жиемуратов,
Қарақалпақстан хабар агентлиги.
М.Ҳабибуллаевтың түсирген сүўретлери