Нөкис районында «Бес баслама» олимпиадасы шеңбериңде муғаллимлер арасында «Саламат денеде-сапалы билим» атамасында Кәсиплик аўқамы кубоги ушын спорт жарыслары болып өтти.

Онда райондағы билимлендириў мәкемелеринде жумыс ислеўши хызметкерлер спорттың киши футбол, волейбол, стол тенниси, шахмат, шашка түрлери бойынша өз-ара беллесиўлерге қатнасты.

Жарыслар жуўмағында киши футбол бойынша 1-орынды 2-санлы мектеп, 2-орынды 7-санлы мектеп, 3-орынды  қәнигелестирилген мектеп командалары, волейбол бойынша  1-орынды 22-санлы, 2-орынды 31-санлы ҳәм 3-орынды 7-санлы улыўма орта билим бериў мектеплери командалары ийелеўге миясар болды. Ал, стол тенниси бойынша өткерилген жарысларда ҳаял-қызлар арасында 1-орын Г.Сейтбаева, 2-орын М.Юсупова, 3-орын Т.Қойлыбаеваға,  ерлер арасында 1-орын А.Бегжанов,  2-орын О.Кидирниязов, 3-орын А.Азербаевларға несип етти.

Ақыл гимнастикасы деп есапланыўшы шахмат бойынша болса,  ҳаял-қызлар арасында 1-орынды Г.Саганаева, 2-орынды  М.Сулайманова,  3-орынды  Г.Қудайбергеновалар, ерлер арасында 1-орынды Д.Жоламанов, 2-орынды  Т.Турдишов,  3-орынды Т.Ганиевлар ийелеўге еристи.

Шашка бойынша өткерилген жарыста 1-орынды  Г.Алламбергенова, 2-орынды У.Айманова, 3-орынды  С.Есбергеновалар ийелеп, шөлкемлестириўшилер тәрепинен Диплом ҳәм естелик саўғалар менен сыйлықланды.

Адилбай Оразов,

Қарақалпақстан хабар агентлиги шолыўшысы