Нөкис қаласында Қарақалпақстан Республикасы Айрықша жағдайлар басқармасының шөлкемлестириўи менен тараў хызметкерлери арасында саламат турмыс тәризин кең ен жайдырыў ҳәм футбол спорт түрин раўажландырыў мақсетинде, мини футбол бойынша «Басқарма баслығының кубоги» ушын жарыс өткерилди.
Оған Айрықша жағдайлар басқармасына қараслы қала ҳәм районлық бөлимлерден 28 команда қатнасты. Қызғын беллесиўлер руўхында өткен жарыс жуўмағында, Басқарманың арнаўлы излеў-қутқарыў отряды биринши, Қанлыкөл районы Айрықша жағдайлар бөлими 12-санлы Өрт-қутқарыў бөлимшеси екинши, Тақыятас Ыссылық электр станциясы акционерлик жәмийетиндеги 28-санлы, Хожели районындағы 19-санлы Өрт-қутқарыў бөлимшелери командалары үшинши орынды ийелеўге миясар болды.
Жарыс соңында жеңимпаз командалар Қарақалпақстан Республикасы Айрықша жағдайлар басқармасы баслығының кубоги ҳәм баҳалы саўғалар менен сыйлықланды.
Адилбай Оразов,
Қарақалпақстан хабар агентлиги шолыўшысы