Ақмаңғыт посёлкасында жайласқан Руўхыйлық орайында Республика руўхый-ағартыўшылық орайы Нөкис районлық бөлиминиң шөлкемлестириўинде «8-март-Халықаралық ҳаял-қызлар байрамы» мүнәсибети менен «Өмиримиз гүли ҳаял-қызлар» атамасында саз-сәўбетли байрам кешеси болып өтти.
Оған райондағы мектеплерде ислеўши муғаллим-устазлар, мәдений дөретиўшилик мәселер бойынша үгит-нәсиятшылар қатнасты.
Кешеде Қарақалпақстан Республикасы руўхый-ағартыўшылық орайы Нөкис районлық бөлими баслығы Н.Тоимбетов, нураный устазлардан Б.Төребаев ҳәм К. Пахратдиновлар шығып сөйлеп, район ҳаял-қызларын 8-март байрамы менен қызғын қутлықлап, олардың жумысларына табыслар тиледи.
Ал, шайыр Р.Отарбаев болса, ҳаял-қызлар байрамына арнап жазған өзиниң жаңа қосықларынан оқып берди.
Илажда руўхый-ағартыўшылық саласында белсендилик көрсетип киятырған ҳаял-қызларға байрам саўғалары тапсырылды.
Кеше халықаралық байрамғa бағышланып таярланған концерт бағдарламасы менен заўықлы даўам етти.
Адилбай Оразов,
Қарақалпақстан хабар агентлиги шолыўшысы