Халық депутатлары Тахтакөпир районлық Кеңесиниң депутаты Айсара Балтамуратова өзи сайланған аймақ турғынлары менен ушырасыў өткерди.
Халық ўәкили аймақ турғынларына елимизде кейинги жыллары алып барылып атырған өзгерис ҳәм жаңаланыўлар, елимиз басшысының Олий Мажлис ҳәм Өзбекстан халқына жоллаған мүрәжатында белгилеп берилген ўазыйпалар ҳәм әмелге асырылыўы керек жумыслар, азық-аўқат өнимлери баҳаларының турақлылығын тәмийинлеў ҳәм оларды қадағалаў, сондай-ақ, жәмийетлик пикир тийкарында әмелге асырылатуғын Опенбюджет порталы арқалы даўыс жыйнаў бойынша түсиник жумысларын алып барды.
Буннан тысқары халықтың мүрәжатлары тыңланып үйренилди. Атап айтқанда, Айдын жол МПЖ аймағындағы Азия көшесине суў тармағын тартыў жумыслары туўралы сайлаўшылар тәрепинен билдирилген мүрәжат тийисли шөлкемлер менен биргеликте үйренилип, депутатлық қадағалаўға алынды.
Қарақалпақстан хабар агентлиги