Усы жылдың 10-18-январь күнлери мектепке шекемги билимлендириў шөлкемлеринде гезексиз дем алыс жәрияланғаннан соң көплеген ата-аналардан усы дем алыс күнлеринде де бақша пулының төлениўине байланыслы көплеген сораўлар келип түспекте.
Әмелдеги Нызам талаплары тийкарында усы дем алыс күнлери ушын бақша төлеми төленбейди, деп хабар бермекте Мектепке шекемги билимлендириў ҳәм мектеп билимлендириўи министрлиги.
Дем алыс жәрияланған күнге шекем бақша төлеми әмелге асырылған болса, кейинги төлемлерди әмелге асырыў процесинде дем алыс күнлери ушын төленген төлем суммасы есапқа алынады.
Қарақалпақстан хабар агентлиги