Қарақалпақстан Республикасы Бажыхана басқармасы тәрепинен Нөкис қаласындағы 31-санлы улыўма билим бериў мектебиниң оқыўшылары арасында «Бажыхана билимданы» таңлаўының биринши басқышы өткерилди.
Таңлаўда оқыўшылар бажыхана тараўына байланыслы сораў-жуўап ҳәм тест сынақларынан өтип, мәлимлеме технологиялары бойынша да өз билимлерин көрсетиўге ҳәрекет етти. Сондай-ақ, оқыўшыларың физикалық таярлығы бойынша мүмкиншиликлери сынақтан өткерилди.
– Мәмлекетлик бажыхана комитети тәрепинен быйыл бажыхана уйымлары тәрепинен аталыққа алынған мектеплерде шөлкемлестирилген «Жас бажыханашы» дөгереклериниң жумысларын еледе жанландырыў, оның ағзасы болған оқыўшыларға үлкен күш ҳәм мотивация бериў мақсетинде усындай таңлаўдың өткерилиўи жолға қойылды,-дейди басқарма аға инспекторы Юлдуз Қудиярова.
Таңлаў жуўмағында жеңимпазлар анықланып, хошаметленди.
Бул өз гезегинде, оқыўшылардың ўатансүйиўшилик руўхында тәрбияланып, кәмил инсан болып жетилисиўинде ҳәм бажыхана уйымларында хызмет етиўге болған қызығыўшылығының артыўына түртки береди.
Қарақалпақстан хабар агентлиги