2022-жыл 20-декабрьден республикалық Жоқары оқыў орынларының магистратура қәнигеликлерине қабыллаў ушын ҳүжжетлерди онлайн дизимнен өткериў процеси басланды.
Ҳүжжетлерди қабыллаў magistr.edu.uz веб-сайты арқалы 10-январьға шекем (сол күни де) даўам етеди.
Қандай сертификатлар қабыл етиледи Ҳәм қандай дәрежеде болыўы керек?
Жоқарыдағы сүўретлерде бул сораўға жуўап алыўыңыз мүмкин.
Быйылғы қысқы қабыллаўда бурынғысынан өзгеше тәризде, тил билиў дәрежесине қаралмай атыр. Яғный жоқарыдағы дизимде атлары келтирилген имтихан системалары арқалы қәлеген дәрежедеги сертификат болса да, магистратураға қабыл етиле береди. Тек ғана бир шәрти, кейин ала оқыў даўамында талап етилетуғын дәрежедеги сертификатты алыўы шәрт. Болмаса, жуўмақлаўшы имтиханға қойылмайды, басқаша айтқанда магистрлик дипломын ала алмайды.
Дизимде аты келтирилмеген системадан алынған сертификатлар магистратураға ҳүжжет тапсырыў ушын қандай дәрежеде болыўына қарамастан тийкар бола алмайды.
Қарақалпақстан хабар агентлиги