Өзбекстан Республикасы Олий Мажлиси Нызамшылық палатасының депутаты Б.Алдамуратов Қараөзек районындағы улыўма билим бериў мектеплериниң жумыслары менен танысты.
Атап айтқанда, райондағы 1-санлы улыўма билим бериў мектебинде оқыўшылардың саламат аўқатланыўы ушын асхана ҳәм буфетлердиң шөлкемлестирилгенлиги, балалардың олардан пайдаланыўы ушын жаратылған шараятларды үйренди.
Сондай-ақ, улыўма билим бериў мектеплеринде оқыўшылар ушын саламат аўқатланыў қағыйдаларын ғалаба ен жайдырыў бағдарында әмелге асырылып атырған жумыслар ҳәм режелер, баслаўыш класс оқыўшыларының бийпул аўқатланыўы бойынша әмелге асырылып атырған жумыслар, режелер, атап айтқанда, азық-аўқат өнимлериниң сатып алыныўы, жеткерип берилиўи, сақланыўы, оқыўшылардың саламат аўқатланыўы ушын шараятлардың жаратылғанлығы менен жақыннан танысты.
Халық ўәкили үйрениўлер даўамында райондағы Мәденият АПЖ да жайласқан 24-санлы улыўма билим бериў мектебиниң жаңа имаратында алып барылып атырған қурылыс жумысларының барысын барып көрип, қурылысшылар менен сәўбетлесип, пикир-усыныслар билдирилди.
Қарақалпақстан хабар агентлиги