Нөкис қаласындағы 1-санлы спорт мектебинде еркин гүрес ҳәм ҳаял-қызлар гүреси бойынша Өзбекстан чемпионаты даўам етпекте.

Кеше ҳаял-қызлар гүреси бойынша барлық салмақ категорияларында жеңимпазлар анықланды. Атап айтқанда, өз салмақ категорияларында Жиззақ ўәлаятынан Муштарий Толипбекова, Хорезм ўәлаятынан Дилшода Матназарова, Лайло Сабирова, Мардона Қадамова, Азода Зарипбаева, Ташкент қаласынан Жасмина Иммаева, Самарканд ўәлаятынан Шахида Ахмедова, Наўайы ўәлаятынан Рухшона Абдирасулова, Қарақалпақстан Республикасынан Дилфуза Айымбетова ҳәм Феруза Есенбаевалар биринши орынларды ийелеп, Өзбекстан чемпионлары болды.

Бүгин еркин гүрес бойынша ерлер арасында он салмақ категориясында жарыс даўам етпекте. Жеңимпазлар бүгин анықланады.




















Д.АБИБУЛЛАЕВ,

Қарақалпақстан хабар агентлигиниң шолыўшысы.

М.ҲӘБИЙБУЛЛАЕВ тың түсирген сүўретлери.