Мәмлекетимиз ғәрезсизлигиниң 31 жыллығы мүнәсибети менен Өзбекстан Республикасы Президенти Шавкат Мирзиёевтың атына сырт ел мәмлекетлериниң жетекшилеринен, абырайлы сиясатшылардан, белгили жәмийетлик ҳәм дин ғайраткерлеринен, жетекши халықаралық шөлкемлердиң ҳәм регионаллық структуралардың басшыларынан қутлықлаў ҳәм телеграммлар келмекте.
Хатларда елимиз тәрепинен ғәрезсизлик жылларында ерисилген жоқары табыслар және кейинги жылларда әмелге асырылып атырған кең көлемли сиясий жаңаланыўлар ҳәм социаллық-экономикалық реформалардың кеңнен тән алынған үлкен нәтийжелери айрықша атап өтилген. Жаңа Өзбекстанды қурыў мақсетинде алып барылып атырған стратегиялық сиясат толық қоллап-қуўатланған.
Сырт елли жетекшилер ҳәм шериклер әмелге асырылып атырған конструктив ҳәм проактив сыртқы сиясат өз нәтийжелерин берип атырғанын атап өтип, избе-из раўажланыўды тәмийинлеў, өз-ара пайдалы халықаралық бирге ислесиў ҳәм әмелий шерикликти кеңейтиўге қаратылған усыныслар менен басламаларды жоқары баҳаланған.
Қутлықлаўларда Өзбекстанның көп миллетли халқына тынышлық-татыўлық, абаданлық ҳәм раўажланыў тилеклери билдирилген.
Өзбекстан Республикасы Президенти
Уллы Мәртебели Мырза Шавкат Мирзиёевқа
Уллы Мәртебели Мырза!
Ғәрезсизлик күни мүнәсибети менен пүткил Өзбекстан Республикасы халқына ең жақсы тилеклеримди билдиремен.
Бул әҳмийетли тарийхый дәўир бәршемизге татыўлық руўхында, бир адамның шаңарағындай болып ҳәрекет етиўимиз зәрүрлигин еслетеди.
Ҳәр бир мәмлекет көлеми миллий шегараларды тән алмайтуғын – COVID-19 пандемиясынан баслап кәмбағаллық, теңсизлик ҳәм әдалатсызлықтың кескинлесиўи, климаттың айрықша төменлеўи, пүткил дүньяны қамтып алған машқалаларды шешиўге өз үлесин қосыўы зәрүр.
Усындай оғада әҳмийетли күнде Бирлескен Миллетлер Шөлкеми қәўип-қәтерлерге мүнәсип жуўап бериўде, Турақлы раўажланыў мақсетлерине ерисиўде, барлық адамлар ушын және де абадан, әдалатлы ҳәм қәўипсиз дүньяны қурыўда Өзбекстан Республикасы халқына сүйене алатуғынына беккем исенемен.
Уллы Мәртебели мырза, Сизге болған жоқары ҳүрмет-иззетимди қабыл етиң.
Антониу ГУТТЕРИШ,
БМШтың бас хаткери
***
Өзбекстан Республикасы Президенти
Уллы Мәртебели Мырза Шавкат Мирзиёевқа
Ҳүрметли Шавкат Миромонович!
Өзбекстан Республикасының миллий байрамы – Ғәрезсизлик күни мүнәсибети менен шын жүректен қутлықлаўларымды қабыл етиң.
Мәмлекетиңиз экономикалық ҳәм социаллық тараўларда кең түрде тән алынған табысларға еристи. Өзбекстан жәҳән майданында орынлы түрде абырай-мәртебеге сазаўар болмақта, халықаралық күн тәртибиндеги айрықша мәселелерди шешиўде әҳмийетли роль атқармақта.
Мәмлекетлеримиз арасындағы қатнасықлар стратегиялық шериклик ҳәм аўқамласлық руўхында жедел раўажланып бармақта. Биргеликтеги ҳәрекетлер менен өз-ара пайдалы еки тәреплеме байланысларды буннан былай да кеңейтиўимизге исенемен. Бул Россия ҳәм Өзбекстанның дос халықларының мәплерине жуўап береди, Орайлық Азия регионында турақлылық ҳәм қәўипсизликти тәмийинлеў мақсетлерине сәйкес болып табылады.
Сизге, ҳүрметли Шавкат Миромонович, беккем денсаўлық ҳәм табыслар, халқыңызға болса бахыт-ығбал, абаданлық тилеймен.
Ҳүрмет пенен,
Владимир ПУТИН,
Россия Федерациясы Президенти
***
Өзбекстан Республикасы Президенти
Уллы Мәртебели Мырза Шавкат Мирзиёевқа
Уллы Президент Мырза!
Өзбекстан Республикасы ғәрезсизлигиниң 31 жыллығы мүнәсибети менен Қытай ҳүкимети ҳәм халқы атынан және өзимниң атымнан Сизге ҳәм дос Өзбекстан халқына шын жүректен қутлықлаўымды, ең жақсы тилеклеримди билдиремен.
Кейинги жылларда Өзбекстанда мәмлекетлик қурылыс ҳәм миллий тиклениў жедел раўажланбақта. Басшылығыңыз астында Жаңа Өзбекстанды қурыўда үлкен жетискенликлерге әлбетте ерисиледи.
Мен Қытай – Өзбекстан қатнасықларын раўажландырыўға үлкен итибар қаратып келемен ҳәм арамызда қәлиплескен үлгили әмелий байланысларды, жеке дослығымызды қәдирлеймен. Қытай ҳәм Өзбекстан арасындағы дипломатиялық байланыслар орнатылғанының 30 жыллығы мүнәсибети менен сиз бенен биргеликте еллеримиз арасындағы стратегиялық исенимди буннан былай да беккемлеў, өз-ара бирге ислесиўди кеңейтиў, Қытай – Өзбекстан қатнасықларын еки мәмлекет ҳәм халық мәплери жолында сапа жағынан жаңа дәрежеге алып шығыўға таярмыз.
Дос Өзбекстанға раўажланыў ҳәм қүдирет, оның халқына болса бахыт-ығбал, абаданлық тилеймен.
Си ЦЗИНЬПИН,
Қытай Халық Республикасы Баслығы
***
Өзбекстан Республикасы Президенти
Уллы Мәртебели Мырза Шавкат Мирзиёевқа
Ҳүрметли Мырза Президент!
Сизди ҳәм Өзбекстан халқын 1-сентябрь күни белгиленетуғын ғәрезсизликтиң 31 жыллығы менен қутлықлаў маған үлкен қанаатланыўшылық бағышлайды.
Қурама Штатлар Өзбекстан менен стратегиялық шериклик ҳәм ҳәр тәреплеме қатнсықларды жоқары қәдирлейди, мәмлекетиңиздиң ғәрезсизлиги, суверенитети ҳәм аймақлық пүтинлигине садық. Ҳүкиметлеримиз арасындағы бирге ислесиў, әсиресе, экономика ҳәм қәўипсизлик тараўларында кеңейиўди даўам етпекте, себеби Өзбекстан Орайлық Азияда барған сайын жетекши орынды ийелемекте.
Өткен жылы ҳүкиметиңиз реформаларды әмелге асырыўда ерискен жетискенликлерди жоқары баҳалайман. Бул басламалар Өзбекстан экономикасын диверсификациялаў, регионаллық турақлылықты беккемлеў ҳәм шешимин кешиктириўге болмайтуғын климат өзгериўи машқаласын шешиўди талап етеди. Реформалар жолы ҳеш қашан аңсат емес – мен сизиң күш-жигериңизди қоллап-қуўатлайман. Қурама Штатлар усы әҳмийетли бағдарларды қоллап-қуўатлаўда Өзбекстан менен шериклик етип атырғанын мақтаныш етеди ҳәм биз келешекте де тығыз бирге ислесиўимизге үмит етемиз.
Ҳүрмет пенен,
Жозеф БАЙДЕН,
Америка Қурама Штатлары Президенти
***
Өзбекстан Республикасы Президенти
Уллы Мәртебели Мырза Шавкат Мирзиёевқа
Ҳүрметли Шавкат Миромонович!
Сизди ҳәм пүткил Өзбекстан халқын Ғәрезсизлик күни менен шын жүректен қутлықлайман!
Бүгин Өзбекстан Сизиң басшылығыңызда раўажланып атырған мәмлекет қурыўға қаратылған әҳмийетли сиясий реформалар ҳәм социаллық-экономикалық жаңаланыўларды табыслы әмелге асырмақта.
Биз, Қазақстан заманагөй Өзбекстанның жетискенликлерине шын жүректен қуўанышлымыз ҳәм көп қырлы бирге ислесиўимизди көп әсирлик дослық, жақын қоңсышылық ҳәм өз-ара қоллап-қуўатлаў руўхында буннан былай да кеңейтиўге үлкен әҳмийет қаратамыз.
Биргеликтеги ҳәрекетлеримиз Қазақстан – Өзбекстан стратегиялық шериклиги ҳәм аўқамласлығы жедел раўажланыўына, сондай-ақ, Орайлық Азия регионында турақлылық ҳәм қәўипсизликти беккемлеўге буннан былай да хызмет ететуғынына исенемен.
Усы пайызлы күнде Сизге ҳүрметли Шавкат Миромонович, туўысқан Өзбекстанның абаданлығы ҳәм раўажланыўы жолындағы жуўапкерли жумысыңызда жаңадан-жаңа табыслар тилеймен!
Ҳүрмет пенен,
Қасым-Жомарт ТОҚАЕВ,
Қазақстан Республикасы Президенти
***
Өзбекстан Республикасы Президенти
Уллы Мәртебели Мырза Шавкат Мирзиёевқа
Ҳүрметли Шавкат Миромонович!
Мәмлекетлик байрам – Өзбекстан Республикасы ғәрезсизлиги күни менен Сизди қутлықлайман.
Ғәрезсизлик байрамы – Өзбекстан турақлы, суверен мәмлекет қурыў, халықтың абаданлығын ҳәм өзиниң халықаралық көлемдеги абырайын арттырыўда үлкен табысларға еристи.
Сиз кейинги жылларда баслаған социаллық-сиясий жаңаланыўлар ҳәм экономикалық реформалар републиканы раўажландырыўдың жаңа басқышы – Жаңа Өзбекстан басқышын баслап берди.
Мәмлекетлеримиз арасындағы стратегиялық шериклик ҳәм бирге ислесиўдиң бүгинги дәрежесин жоқары қәдирлеймен. Биргеликтеги ҳәрекетлер менен Қырғызстан ҳәм Өзбекстан арасындағы туўысқанлық, жақын қоңсышылық қатнасықлары буннан кейин де жедел, избе-из раўажланып барыўына беккем исенемен.
Сизиң Қырғыз Республикасы ҳәм Өзбекстан Республикасы арасындағы бирге ислесиўди беккемлеўге қаратылған мәмлекетлик сапар менен Қырғызстанға келиўиңизди асығып күтпектемиз.
Сизге, ҳүрметли Шавкат Миромонович, беккем денсаўлық, мәмлекетшилик жумысыңызда үлкен табыслар, туўысқан Өзбекстан халқына болса тынышлық-татыўлық, абаданлық ҳәм раўажланыў тилеймен.
Ҳүрмет пенен,
Садир ЖАПАРОВ,
Қырғызстан Республикасы Президенти
***
Өзбекстан Республикасы Президенти
Уллы Мәртебели Мырза Шавкат Мирзиёевқа
Қәдирли Шавкат Миромонович!
Тәжикстан халқы атынан ҳәм жеке өзимниң атымнан Сизге ҳәм пүткил туўысқан Өзбекстан халқына мәмлекетиңиздиң миллий байрамы – Ғәрезсизлик күни менен шын жүректен қутлықлаўым және ең жақсы тилеклеримди жеткериўден оғада қуўанышлыман.
Сизиң жаратыўшылық сиясатыңыз себепли Өзбекстан турақлы раўажланыў жолында мисли көрилмеген нәтийжелерге ерисиўде даўам еттирмекте, халықаралық көлемдеги абырайын исенимли беккемлеп бармақта.
Биз Тәжикстан – Өзбекстан дослық, жақын қоңсышылық ҳәм көп қырлы бирге ислесиў қатнасықларын жоқары қәдирлеймиз.
Мәмлекетлеримиз арасындағы бай тарийхый дәстүрлер, терең өз-ара ҳүрмет ҳәм түсинисиўге тийкарланған қатнасықлар бүгин избе-из раўажланып, жаңа қырлар ашып атырғаны қуўандырады. Стратегиялық шериклик шеңберинде ҳәм аўқамласлық бирге ислесиў руўхында оларды ҳәр тәреплеме кеңейтиўге үлкен әҳмийет бермектемиз.
Мениң Өзбекстанға сапар етиўим даўамында ерисилген келисимлер избе-из әмелге асырылыўы халықларымыздың абаданлығы жолында мәмлекетлеримиз өз-ара пайдалы бирге ислесиўине сапасы жағынан жаңа пәт бағышлайтуғынына исенемен.
Пурсаттан пайдаланып, Сизге, ҳүрметли Шавкат Миромонович, шын жүректен беккем денсаўлық ҳәм жуўапкершиликли жумысларыңызда табыслар, туўысқан Өзбекстан халқына болса тыншлық-аманлық, мәңги раўажланыў тилеймен.
Бәрқулла ҳүрмет пенен,
Эмомали РАҲМОН,
Тәжикстан Республикасы Президенти
Өзбекстан Республикасы Президенти
Уллы Мәртебели Мырза Шавкат Мирзиёевқа
Ҳүрметли Шавкат Миромонович!
Түркменстан халқы ҳәм Ҳүкимети атынан және жеке өзимниң атымнан Сизге ҳәм Сиз арқалы Өзбекстан Республикасының туўысқан халқына мәмлекетиңиз ғәрезсизлиги күни мүнәсибети менен шын жүректен қутлықлаўлар ҳәм ең жақсы тилеклерди жеткериў мен ушын мақтаныш.
Ғәрезсизликке ерискеннен берли өткен дәўирде Өзбекстан сиясий, экономикалық ҳәм социаллық раўажланыўда үлкен табысларға еристи, халықаралық майданда үлкен абырайға ийе болды, регионаллық ҳәм глобаллық күн тәртибиндеги әҳмийетли мәселелерди шешиўде конструктивлик роль атқармақта.
Биз, Түркменстанда мәмлекетлеримиз арасындағы биргеликте ерисилген нәтийжени жоқары қәдирлеймиз, оны буннан былай да беккемлеў ҳәм кеңейтиўге үлкен әҳмийет қаратамыз.
Өз гезегинде, Түркменстан – Өзбекстан стратегиялық қатнасықларын жедел алға қойып, туўысқан халықларымыздың абаданлығы жолында жаңа шеклерге алып шығыў ушын буннан кейин де Сиз бенен биргеликте ҳәрекет етиўге таярман.
Усы унамлы пурсаттан пайдаланып, Сизге, ҳүрметли Шавкат Миромонович, беккем денсаўлық, бахыт-ығбал, туўысқан Өзбекстан халқына болса тынышлық, раўажланыў тилеймен.
Терең ҳүрмет пенен,
Сердар БЕРДИМУҲАМЕДОВ,
Түркменстан Президенти
Өзбекстан Республикасы Президенти
Уллы мәртебели Мырза Шавкат Мирзиёевқа
Ҳүрметли Шавкат Миромонович!
Әзиз туўысқаным!
Мәмлекетиңиз ғәрезсизлиги күни мүнәсибети менен Сизге ҳәм туўысқан Өзбекстан Республикасы халқына қызғын қутлықлаўымды, жақсы тилеклеримди билдириўге миясар болғанымнан қуўанышлыман.
Дос Өзбекстан суверен раўажланыў жылларында турмыстың барлық тараўларында мисли көрилмеген жетискенликлерге еристи, халықаралық майданда жоқары абырай ҳәм исенимге ийе болды.
Түркменстан Өзбекстан менен ҳәр еки тәрептиң умтылысы арқалы раўажланып, камалға келип атырған қатнасықларды жоқары қәдирлейди ҳәм ардақлайды.
Жақсы қоңсышылық, шын кеўилден дослық ҳәм исенимге тийкарланған Түркменстан-Өзбекстан стратегиялық шериклиги туўысқан мәмлекетлеримиз ҳәм халықларымыздың абаданлығы жолында буннан былай да жедел раўажланып барады.
Усы имканияттан пайдаланып, Сизге, ҳүрметли Шавкат Миромонович, беккем денсаўлық, бахыт-ығбал, туўысқан Өзбекстан халқына болса тынышлық-қәтержамлық, абаданлық ҳәм раўажланыў тилеймен.
Ҳүрмет пенен,
Гурбангули БЕРДИМУҲАМЕДОВ,
Түркменстан Миллий Кеңеси Халық Мәсләҳәти Баслығы
***
Өзбекстан Республикасы Президенти
Уллы мәртебели Мырза Шавкат Мирзиёевқа
Ҳүрметли Президент Мырза!
Әзиз туўысқаным!
Өзбекстан Республикасының Ғәрезсизлик күни мүнәсибети менен Сизди ҳәм Сиз арқалы туўысқан өзбек халқын ең жақсы тилеклерим менен қутлықлайман.
Дос ҳәм туўысқан Өзбекстанның ғәрезсизлигин биринши болып тән алған мәмлекет болыўдан оғада қуўанышлымыз.
Уқсас тарийхый ҳәм мәдений байланыслардан күш алыўшы және биргеликте «Кең көлемли стратегиялық бирге ислесиў» дәрежесине көтерилген өз-ара байланысларымыз ҳәр тараўда жедел раўажланып атырғаны бизге қанаатланыўшылық бағышлайды. Бул бирге ислесиў ҳәм шерикликти улыўмалық үлесимиз бенен және де раўажландырып, тереңлестиретуғынымызға исенемен.
Пурсаттан пайдаланып, Сиз, Уллы мәртебели мырзаға саў-саламатлық, бахыт-ығбал, дос ҳәм туўысқан өзбек халқына аманлық тилеймен.
Режеп Тайиип ЭРДОҒАН,
Түркия Республикасы Президенти
***
Өзбекстан Республикасы Президенти
Уллы мәртебели Мырза Шавкат Мирзиёевқа
Ҳүрметли Президент Мырза!
Өзимниң атымнан ҳәм Әзербайжан халқының атынан Сизди ҳәм Сиз арқалы туўысқан халқыңызды Өзбекстан Республикасы ғәрезсизлиги күни менен шын кеўлимнен қутлықлайман.
Кейинги жыллары Сизиң басшылығыңыз астында дос Өзбекстан халқы үлкен раўажланыў жолын басып өтти. Мәмлекетшиликтиң беккемлениўи, мәмлекеттиң социаллық-экономикалық раўажланыўы, халықаралық ҳәм регионаллық шөлкемлер шеңбериндеги нәтийжели жумыс және Өзбекстанның жәҳән сахнасындаға абырайының жоқарылаўы Сизиң жетекшилигиңиз, дана ҳәм узақты гөзлеген сиясатыңыз себепли болып табылады.
Әзербайжан-Өзбекстан қатнасықлары халықларымыздың әзелий дослығы ҳәм улыўмалық мәдений тамырларына тийкарланған. Көп қырлы бирге ислесиў, тығыз тарийхый дәстүрлер ҳәм беккем негизге, өз-ара исеним ҳәм жәрдемге тийкарланған стратегиялық шериклигимиздиң кеңейип ҳәм раўажланып атырғаны оғада қуўанышлы.
Әзербайжан ҳәм Өзбекстан арасындағы дослық қатнасықларының биргеликтеги ҳәрекетлер менен халықларымыздың мәплерине муўапық буннан былай да кеңейип, беккемленип баратуғынына исенемен.
Усы қутлы күнде Сизге беккем денсаўлық, узақ өмир, жумысыңызда табыслар, туўысқан Өзбекстан халқына болса мәңги тынышлық, абаданлық ҳәм раўажланыў тилеймен.
Ҳүрмет пенен,
Илҳом АЛИЕВ,
Әзербайжан Республикасы Президенти
***
Өзбекстан Республикасы Президенти
Уллы мәртебели Мырза Шавкат Мирзиёевқа
Уллы мәртебели Мырза!
Ғәрезсизлик күни мүнәсибети менен Сизге ҳәм Өзбекстан Республикасы халқына ең жақсы қутлықлаўларымды жоллайман.
Дипломатиялық қатнасықларымыз орнатылғанының 30 жыллығын белгилеп, мәмлекетлеримиздиң бирге ислесиўи ҳәр қыйлы тараўларда және де раўажланыўына, халықларымыз арасындағы дослықтың беккемлениўине үмит етемен.
Шын кеўлимнен Сизге беккем денсаўлық ҳәм табыслар, Өзбекстан Республикасына болса үзликсиз раўажланыў тилеймен.
Юн Сок ЁЛЬ,
Корея Республикасы Президенти
***
Өзбекстан Республикасы Президенти
Уллы мәртебели Мырза Шавкат Мирзиёевқа
Уллы мәртебели Мырза!
Ғәрезсизлик күни мүнәсибети менен Сиз, Уллы мәртебели мырзаға, Өзбекстан халқына Ҳиндстан ҳүкимети ҳәм халқының атынан және жеке өзимниң атымнан қызғын қутлықлаўларымды жоллаўдан қуўанышлыман.
Ҳиндстан ҳәм Өзбекстан арасында дәстүрий тығыз ҳәм дослық қатнасықлар орнатылған. Бирге ислесиў байланыслары стратегиялық шериклик дәрежесине көтерилиўи менен қатнасықларымыз және де беккемленди.
Еки тәреплеме байланысларымыз ҳәр қыйлы тараўларда көзге көринетуғын дәрежеде раўажланбақта. Сизиң шериклигимизди беккемлеўге қаратып атырған жеке итибарыңыз еки тәреплеме бирге ислесиўди кеңейтиўге үлкен үлес қосып келмекте.
Пурсаттан пайдаланып, Сиз, Уллы мәртебели мырзаға беккем денсаўлық, аманлық, дос Өзбекстан Республикасы халқына болса раўажланыў ҳәм даўамлы жетилисиў тилеп қаламан.
Уллы мәртебели мырза, Сизге болған жоқары ҳүрметимди қабыл еткейсиз.
Драупади МУРМУ,
Ҳиндстан Республикасы Президенти
***
Өзбекстан Республикасы Президенти
Уллы мәртебели Мырза Шавкат Мирзиёевқа
Өзбекстан Республикасының ғәрезсизлиги күни мүнәсибети менен Сиз, Уллы мәртебели Мырзаға ҳәм дос халқыңызға қызғын қутлықлаў ҳәм жақсы тилеклеримизди жоллаўдан оғада қуўанышлыман.
Пурсаттан пайдаланып, еки дос халықларымыз мәпи жолында ҳәр қыйлы тараўларда бирге ислесип барыўдың жаңа жолларын ашыў, дос мәмлекетлеримизди байланыстырып турыўшы дослық ҳәм бирге ислесиў байланысларын және де беккемлеўден мәпдар екенлигимди билдиремен.
Сиз, Уллы мәртебели мырзаға саў-саламатлық, бахыт-ығбал, дос халқыңызға раўажланыў ҳәм абаданлық тилеп қаламан.
Жоқары ҳүрмет пенен,
Абдулфаттоҳ ас-СИСИ,
Египет Араб Республикасы Президенти
***
Өзбекстан Республикасы Президенти
Уллы мәртебели Мырза Шавкат Мирзиёевқа
Өзбекстан Республикасы ғәрезсизлиги күни мүнәсибети менен Сиз, Уллы мәртебели мырза және мәмлекетиңиздиң дос халқын шын жүректен қутлықлайман.
Еллеримиз арасындағы бирге ислесиўдиң унамлы тенденциясын есапқа алған ҳалда, Иран Ислам Республикасы ҳәм Өзбекстан Республикасы жуўапкерлериниң және де жедел ҳәрекетлери нәтийжесинде сондай-ақ, еки халық арасындағы тарийхый ҳәм мәдений уқсаслықлар фонында байланысларымыздың және де раўажланыўына гүўа боламыз, деп үмит етемен.
Жаратқан Алладан Сиз, Уллы мәртебели мырзаға денсаўлық, табыс, Өзбекстан халқына болса бахыт-ығбал ҳәм абаданлық инам етиўин сорап қаламан.
Иброҳим РАИСИЙ,
Иран Ислам Республикасы Президенти
***
Өзбекстан Республикасы Президенти
Уллы мәртебели Мырза Шавкат Мирзиёевқа
Уллы мәртебели Мырза!
2022-жыл 1-сентябрь – Ғәрезсизлик күни белгилениўи мүнәсибети менен Қубла Африка Республикасы ҳүкимети ҳәм халқы мениң менен биргеликте Сиз, Уллы мәртебели мырзаға, Өзбекстан Республикасы ҳүкимети ҳәм халқына ең жақсы тилеклеримиз ҳәм қутлықлаўларымызды жоллаймыз.
Пурсаттан пайдаланып, Сизге беккем денсаўлық, мәмлекетлеримиз арасындағы жетилискен дослық байланысларын және де кеңейтиўге болған умтылысымыз исенимли екенин атап өтиўге руқсат еткейсиз.
Уллы мәртебели мырза, Сизге болған жоқары ҳүрмет ҳәм итибарымды қабыл еткейсиз.
Матамела Сирил РАМАФОСА,
Қубла Африка Республикасы Президенти
***
Өзбекстан Республикасы Президенти
Уллы мәртебели Мырза Шавкат Мирзиёевқа
Уллы мәртебели Мырза!
Индонезия Республикасының атынан ҳәм жеке өзимниң атымнан Сизди ҳәм дос Өзбекстан халқын Өзбекстан Республикасы ғәрезсизлигиниң 31 жыллығы менен шын жүректен қутлықлайман.
Мәмлекетлеримиз арасында дипломатиялық байланыслар орнатылғанының 30 жыллығын белгилеў шеңберинде дослық қатнасығымыз келеси жыллары да халықларымыз абаданлығы жолында раўажланып барыўына үмит етемен.
Сиз, Уллы мәртебели мырзаға ҳәм Өзбекстан халқына аманлық, саламатлық ҳәм раўажланыў тилеймен. Сизге болған жоқары ҳүрметимди қабыл етиң.
Жико ВИДОДО,
Индонезия Республикасы Президенти
***
Өзбекстан Республикасы Президенти
Уллы мәртебели Мырза Шавкат Мирзиёевқа
Ҳүрметли Шавкат Миромонович!
Елиңиздиң миллий байрамы – Ғәрезсизлик күни мүнәсибети менен қызғын қутлықлаўымды қабыл етиң.
Ҳәзирги Өзбекстан кең көлемли экономикалық ҳәм социаллық реформалар жолынан исенимли барып, өз пуқараларының абаданлығы турақлы өсиўин тәмийинлемекте. Орайлық Азияда регионаллық қәўипсизлик системасын қәлиплестириўде әҳмийетли орын ийелеген мәмлекетиңиздиң халықаралық абырайы беккемленбекте.
Беларусь – Өзбекстан бирге ислесиўиниң салмақлы потенциалын жүзеге шығарыўға умтылыўымыз халықларымыз арасындағы көп жыллық дослық ҳәм өз-ара исеним дәстүрлерине тийкарланған еки тәреплеме қатнасықлардың табыслы раўажланыўының кепили болып есапланады.
Сизге, ҳүрметли Шавкат Миромонович, беккем денсаўлық, бахыт-ығбал, ойлаған нийетлериңиз әмелге асыўын, Өзбекстан Республикасының халқына болса тынышлық-татыўлық ҳәм раўажланыў тилеймен.
Ҳүрмет пенен,
Александр ЛУКАШЕНКО,
Беларусь Республикасы Президенти
***
Өзбекстан Республикасы Президенти
Уллы мәртебели Мырза Шавкат Мирзиёевқа
Уллы мәртебели Мырза!
Өзбекстан Республикасының миллий байрамы – Ғәрезсизлик күни мүнәсибети менен қызғын қутлықлайман, мәмлекетиңиз ҳәм халқыңызға тынышлық-татыўлық, раўажланыў, абаданлық тилеймен.
Болгария Республикасы Өзбекстан Республикасын Орайлық Азиядағы тийкарғы ҳәм узақ мүддетли шериги сыпатында қабыл етеди. Еллеримиз арасындағы қатнасықлар еки халықтың өз-ара мәплери жолында дослық ҳәм бирге ислесиў руўхында раўажланыўда даўам ететуғынына исенемиз.
Уллы мәртебели мырза, қызғын тилеклеримди ҳәм Сизге болған жоқары ҳүрметимди қабыл етиң.
Румен РАДЕВ,
Болгария Республикасы Президенти
***
Өзбекстан Республикасы Президенти
Уллы Мәртебели Мырза Шавкат Мирзиёевқа
Ҳүрметли Президент Мырза!
Өзбекстан Республикасы миллий байрамы – Ғәрезсизлик күни мүнәсибети менен қызғын қутлықлаўым ҳәм жақсы тилеклеримди билдириўге руқсат еткейсиз.
Венгрия ушын Өзбекстан Орайлық Азия регионындағы әҳмийетли сиясий ҳәм экономикалық шерик болып табылады. Сизди исендирип айтаман, биз, Венгрия көп қырлы бирге ислесиўди буннан былай да беккемлеў ҳәм бар потенциалдан және де нәтийжели пайдаланыў бағдарындағы умтылысымыз исенимли. Мәмлекетлеримиз ҳәм халықларымыз арасындағы дослық қатнасықлар өз-ара исенимге тийкарланған биргеликтеги жумысларымыз ушын буннан былай да беккем тийкар болып хызмет етеди.
Жуўапкершиликли жумысыңызда жаңа табыслар ҳәм беккем денсаўлық тилеймен.
Ҳүрмет пенен,
Каталин НОВАК,
Венгрия Президенти
***
Өзбекстан Республикасы Президенти
Уллы Мәртебели Мырза Шавкат Мирзиёевқа
Ҳүрметли Президент Мырза!
Өзбекстан Республикасы миллий байрамы – Ғәрезсизлик күни мүнәсибети менен қызғын қутлықлаўым ҳәм жақсы тилеклеримди билдириўге руқсат еткейсиз.
Өзбекстан Венгрияның әҳмийетли сиясий, экономикалық ҳәм мәдений шериги болып табылады. Венгрия – Өзбекстан бирге ислесиўин кеңейтиў бағдарындағы биргеликтеги ҳәрекетлер өз-ара мәплерде барған сайын көп нәтийже келтирип атырғанына гүўамыз.
Исендирип айтаман, ҳүкиметимиз өз-ара қатнасықларды беккемлеў бойынша жоқары дәрежеде басланған стратегиялық сөйлесиўди даўам еттириўге исенимли умтылады. Тез арада Сизди ҳәм ҳүрметли зайыбыңызды Будапештте қутлықлаў имканиятына ийе болып, сөйлесиўлер арқалы усы руўхтағы жумысларымыздың даўам етиўине исенемен.
Жуўапкершиликли жумысыңызда жаңадан-жаңа табыслар ҳәм беккем денсаўлық тилеймен.
Ҳүрмет пенен,
Виктор ОРБАН,
Венгрияның Бас министри
***
Өзбекстан Республикасы Президенти
Уллы Мәртебели Мырза Шавкат Мирзиёевқа
Ҳүрметли Президент Мырза!
Словакия Республикасының пуқаралары атынан ҳәм өзимниң атымнан Сиз ҳәм мәмлекетиңиз халқын миллий байрам – Ғәрезсизлик күни менен қутлықлайман.
Биз аўыр дәўирде жасап атырмыз. Дүнья жүзинде елеге шекем глобаллық эпидемия тәсири сезилмекте. Буннан тысқары, климат өзгериўиниң ақыбетлери ҳәм усыған байланыслы социаллық-экономикалық машқалаларға дус келип атырмыз. Сол себепли бундай жағдайда тилеклеслик, демократия қәдириятлары ҳәм ҳуқық үстинлиги принциплерине садықлық айрықша әҳмийетке ийе. Билимлендириўди қоллап-қуўатлаў, инклюзивлик, қоршаған орталықты қорғаў, турақлылық ҳәм биокөптүрлиликти қәстерлеп сақлаўға жедел қатнас жасаў оғада әҳмийетли.
Словакия ҳәм Өзбекстанды әзелий дослық байланыслары байланыстырып туратуғынынан қуўанышлыман. Қатнасықларымыз буннан былай да еки мәмлекеттиң абаданлығы жолында раўажланып баратуғынына исенемен.
Ҳүрметли Президент мырза, Өзбекстанның барлық пуқараларына беккем денсаўлық, тынышлық, турақлылық, демократиялық ҳәм социаллық-экономикалық раўажланыў тилеймен.
Ҳүрмет пенен,
Зузана ЧАПУТОВА,
Словакия Республикасының Президенти
***
Өзбекстан Республикасы Президенти
Уллы Мәртебели Мырза Шавкат Мирзиёевқа
Ҳүрметли Президент Мырза!
Қутлы сәне – Өзбекстан Республикасы ғәрезсизлигиниң 31 жыллығы менен Сизди қутлықлаў маған үлкен қанаатланыўшылық бағышлайды.
Өзбекстан Республикасы ғәрезсиз раўажланыў дәўиринде жәмийетлик турмыстың барлық тараўларында үлкен табыслар ҳәм нәтийжелерге еристи. Сизиң терең ойлаған сиясатыңыз астында бүгинги Өзбекстан жедел ашық, турақлы, ҳәм ҳәр тәреплеме раўажланыўдың жоқары үлгисине айланды.
Жаңа Өзбекстан халықаралық жәмийетшиликте жоқары абырайға, ҳүрмет-итибарға ийе болған ҳәм тән алынған мәмлекет болып есапланады. Сизиң басшылығыңыздағы прагматикалық, әдил ишки ҳәм сыртқы сиясат себепли кең көлемли реформалар әмелге асырылды.
Сиз бенен 2022-жыл май айында Ташкент қаласында өткен ушырасыўымды айрықша жыллы жүзлилик пенен еслеймен. ШБШны ҳәр тәреплеме раўажландырыў, шөлкемниң халықаралық майдандағы абырайын, әсиресе, бүгинги қыйын шараятларда арттырыў бойынша Сиз билдирген пикир, идеялар мен ушын оғада қызықлы ҳәм баҳалы болды.
Өзбекстан Республикасының бүгинги күнде Шанхай бирге ислесиў шөлкемине басшылығын айрықша атап өтип, бул бағдардағы ҳәрекетлер структурамыз жаңа раўажланыў басқышына шығыўында әҳмийетли орын ийелейтуғынын айрықша атап өтпекшимен.
ШБШның болажақ Самарқанд саммити өз-ара пайдалы көп тәреплеме бирге ислесиў шеклерин кеңейтип, шөлкемимиз нәтийжелилиги ҳәм имиджин беккемлеўге хызмет ететуғыны сөзсиз.
Пурсаттан пайдаланып, Сизге, ҳүрметли Шавкат Миромонович, беккем денсаўлық ҳәм жоқары дәрежедеги жумысыңызда жаңа табыслар, Өзбекстан халқына болса тынышлық-парахатшылық, абаданлық тилеймен!
Терең ҳүрмет пенен!
Чжан МИН,
Шанхай бирге ислесиў шөлкеминиң Бас хаткери
***
Өзбекстан Республикасы Президенти
Уллы Мәртебели Мырза Шавкат Мирзиёевқа
Ҳүрметли Шавкат Миромонович!
Өзбекстан Республикасы ғәрезсизлик күни мүнәсибети менен қызғын қутлықлаўларымды қабыл еткейсиз.
Өзбекстан миллий суверенитет жылларында дүнья жәмийетшилигиниң толық ағзасына айланды, халықаралық майданда айрықша итибарға ийе болды.
Бүгин мәмлекеттиң ишки сиясаты экономиканы модернизациялаў, мәмлекет турмысының жәмийетлик-сиясий тараўларын жетилистириўге қаратылған.
Сизиң басшылығыңызда алып барылып атырған сиясат республиканың буннан былай да избе-из раўажланыўы ҳәм халықтың абаданлығы арттырылыўына хызмет етеди. Ғәрезсиз Мәмлекетлердиң Дослық Аўқамы шеңбериндеги нәтийжели бирге ислесиўимиз беккемлениў ҳәм кеңейиўде даўам ететуғынына беккем исенемен.
Сизге, ҳүрметли Шавкат Миромонович, беккем денсаўлық, абаданлық, жуўапкершиликли жумысыңызда табыслар, пүткил Өзбекстан халқына болса тынышлық-парахатшылық ҳәм раўажланыў тилеймен.
Терең ҳүрмет пенен,
Сергей ЛЕБЕДЕВ,
Ғәрезсиз Мәмлекетлердиң Дослық Аўқамы атқарыў комитетиниң баслығы – Атқарыўшы хаткер
***
Өзбекстан Республикасы Президенти
Уллы Мәртебели Мырза Шавкат Мирзиёевқа
Ҳүрметли Президент Мырза!
Өзбекстан Республикасы ғәрезсизлигиниң 31 жыллығы мүнәсибети менен Түркий мәмлекетлер шөлкеми атынан ҳәм өзимниң атымнан Сизге ҳәм туўысқан Өзбекстан халқына қутлықлаўымды, жақсы тилеклеримди жоллаўдан оғада қуўанышлыман.
Кейинги жылларда Өзбекстан сиясий, экономикалық ҳәм социаллық раўажланыўда үлкен шеклерди ийелегенлигин ҳәм халықтың абаданлығын арттырыў бағдарында салмақлы жетискенликлерге ерисилгенин айрықша атап өтиў керек. Мәмлекетти модернизациялаў, мәмлекетшиликти беккемлеў ҳәм оның халықаралық майдандағы абырайын арттырыўға қаратылған ҳәрекетлериңиз жоқары итибарға ылайық болып табылады.
Соны исеним менен атап өтиў керек, Өзбекстан шөлкемимиздиң толық ағзасына айланғанынан кейин Түркий мәмлекетлер арасындағы көп қырлы бирге ислесиў жаңа нәтийжеге ериспекте.
Өзбекстанда режелестирилип атырған тарийхый саммит тынышлықты буннан былай да беккемлейтуғынына, улыўма тилимиз, динимиз ҳәм дәстүрлеримизге тийкарланған көп әсирлик туўысқанлық байланыслары менен байланысқан түркий халықларды және де жақынластырыўға үлес қосатуғынына исенимим кәмил.
Пурсаттан пайдаланып, усы әжайып мәўритлерде Сиз, Уллы Мәртебели мырзаға беккем денсаўлық, жуўапкершиликли жумысыңызда әўмет, туўысқан Өзбекстан халқына болса абаданлық ҳәм раўажланыў тилеймен.
Терең ҳүрмет пенен,
Бағдод АМРЕЕВ,
Түркий мәмлекетлер шөлкеминиң бас хаткери
***
Өзбекстан Республикасы Президенти
Уллы Мәртебели Мырза Шавкат Мирзиёевқа
Уллы Мәртебели Мырза!
Сизди Өзбекстан Республикасы ғәрезсизлигиниң 31 жыллығы менен қызғын қутлықлаў мен ушын оғада үлкен мәртебе болып есапланады.
Байрам мүнәсибети менен қызғын ҳәм ең жақсы тилеклеримди билдиремен, Экономикалық раўажланыў шөлкеми өзиниң баҳалы ҳәм әҳмийетли ағзасы сыпатында Өзбекстан Республикасына айрықша әҳмийет қаратып атырғанын және бир мәрте атап өтпекшимен.
Сиз, Уллы Мәртебели Мырза ЭБШ жумысын, экономикалық раўажланыў ҳәм регионаллық интеграция бағдарындағы ҳәрекетлерди қоллап-қуўатлайтуғыныңызға исенемиз.
Сиз, Уллы Мәртебели мырзаға болған жоқары ҳүрметимди қабыл еткейсиз.
Хусрав НОЗИРИЙ,
Экономикалық бирге ислесиў шөлкеминиң бас хаткери
***
Өзбекстан Республикасы Президенти
Уллы Мәртебели Мырза Шавкат Мирзиёевқа
Ҳүрметли Президент Мырза!
Сизди Азия инфраструктуралық инвестициялар банки (АИИБ) атынан Өзбекстан Республикасы ғәрезсизлиги күни мүнәсибети менен қызғын қутлықлаўға руқсат еткейсиз.
Сиз, Уллы Мәртебели Мырзаның қоллап-қуўатлаўы себепли АИИБның Өзбекстандағы инвестициялық жумысы 2019-жылдан жедел пәтлерде раўажланып бармақта. Бүгинги күнге келип АИИБ тоғыз жойбарға 1,5 миллиард доллар муғдарында инвестиция киргизди.
Байланысларымыз избе-из беккемленип бармақта. Биз энергетика, транспорт ҳәм суў тәмийнаты сыяқлы тийкарғы тараўларда бир қатар жойбарларды әмелге асырыў нийетиндемиз.
Ғәрезсизлик күни мүнәсибети менен Өзбекстан халқына болса ең жақсы қутлықлаўларымды және бир мәрте билдиремен.
Келешекте қарым-қатнасымыз ҳәм бирге ислесиўимиздиң даўам етиўинен үмитдармыз.
Терең ҳүрмет пенен,
Цзинь ЛИЦЮНЬ,
Азия инфраструктуралық инвестициялар банки президенти
Қутлықлаўлардың келиўи даўам етпекте.