Президентимиз Шавкат Мирзиёев 2 –сентябрь күни Ислам Кәримов атындағы естелик комплексине барып, Биринши Президентимиздиң естелигине гүлшеңбер қойды.

Ислам Кәримов буннан отыз бир жыл бурын елимиздиң миллий ғәрезсизлигин дүньяға жәриялаған еди. Бул мәмлекетшилигимизди ҳәм инсаный ҳуқықларымызды тиклеп, барлық табыслар менен шеклеримиздиң тийкары болды. Сонлықтан, Биринши Президентимизге ҳүрмет өз тарийхымызға ҳүрметтиң көриниси болып табылады.

Еслеў илажында Ислам Кәримовтың халқымыздың мәплери жолындағы хызметлери еске алынды. Қуран оқылды.

Мәмлекетимиз басшысы устазларды қәдирлеў ҳәм еске алыў зәрүрлигин, бул жас әўладқа өрнек болатуғынын атап өтти.

Өзбекстан Республикасы Олий Мажлиси, Президент Администрациясы, Министрлер Кабинети, министрлик ҳәм уйымлардың, пайтахт жәмийетшилиги ўәкиллери де Биринши Президентимиздиң естелигине гүллер қойды.

Усындай илажлар Самарқанд ҳәм Қаршы қалаларында да өткерилди.

ӨзА