Президент Шавкат Мирзиёев «Жаңа Өзбекстан» бағына барып, Ғәрезсизлик монументине гүлшеңбер қойды.
Бул комплекс 2021-жылы, ғәрезсизлигимиздиң отыз жыллығына бағышлап қурылған еди. Онда мәмлекетимиздиң әййемги тарийхынан баслап ҳәзирги күнге шекемги ең әҳмийетли ўақыялар, уллы алым ҳәм батыр бабаларымыздың тулғалары сәўлелендирилген. Монументтиң ең жоқары бөлиминде Қумай қусы сүўретленген.
«Ғәрезсизлик монументи-ана Ўатанымыз, мәрт ҳәм батыр, тынышлықты сүйиўши ҳәм мийнеткеш, қаҳарман халқымыздың ҳүрметине қурылған уллы естелик» деген еди Шавкат Мирзиёев.
Мәресимде Олий Мажлис Нызамшылық палатасы ҳәм Сенаты, Президент Администрациясы, Министрлер Кабинети, Ташкент қаласы жәмийетшилигиниң ўәкиллери де қатнасып, монументке гүллер қойды.
ӨзА