30-август күни Өзбекстан Республикасы Президенти Шавкат Мирзиёевтиң Армения Республикасының Бас министри Никол Пашинян менен телефон арқалы сөйлесиўи болып өтти.
Армения ҳүкиметиниң басшысы Өзбекстан жетекшисин жақынласып киятырған миллий- байрам – Ғәрезсизлик күни менен қызғын қутлықлап, халқымызға тынышлық, абаданлық ҳәм раўажланыў тиледи.
Еки тәреплеме қатнасықларды ҳәм халықаралық шөлкемлер шеңбериндеги бирге ислесиўди раўажландырыўдың әҳмийетли мәселелери көрип шығылды.
Әмелий бирге ислесиўди алға қойыўдың әҳмийетли тәреплерине айрықша итибар қаратылды.
Өз-ара саўда көлемин арттырыў, исбилермен топарлар менен жетекши кәрханаларды жедел тартқан ҳалда кооперациялық жойбарларды әмелге асырыў, саўда-экономикалық бирге ислесиўди кеңейтиў ушын нәтийжели механизмлерди қәлиплестириўдеги имаканиятлар атап өтилди.
Регионаллық күн тәртиби ҳәм көп тәреплеме структуралар шеңбериндеги сөйлесиўди кеңейтиў бойынша да пикир алысылды.
ӨзА