Професионал футболшылардың статистикалық мағлыўматларына сүйенген ҳалда, олардың реал бахасын есаплап шығыўға ҳәрекет ететуғын “Transfermarket” порталы Италияның “Рома”клубы хүжимшиси Элдар Шомурадов Өзбекстанның ең қымбат фудболшысы сыпатында жәрияланды.
Екинши орында Бирлескен Араб Әмирликлериниң “Шаржа” клубында ойнап атырған Отабек Шукуровтың аты аталды.Тәжирийбели ярым хүжимши ушын 4 миллион евро баха белгиленди.
Өзбекстан сайланды командасының тийкарғы жүлдыздарының бири болған Жалолиддин Машариповқа 3-орын несип еткен.
Өзбекстанның ең қымбат 10 футболшысы менен танысың:
- Элдар Шомурадов (“Рома” Италия) – 8 миллион евро (трансфер баҳасы);
- Отабек Шукуров (“Шаржа” БАА) – 4 миллион евро;
- Жалолиддин Машарипов (“Ал-Наср” С. Арабистони) – 3 миллион евро;
- Игор Сергеев (“Тобол” Қазақстан ) – 1,70 миллион евро;
- Азиз Ғаниев (“Шабаб Ал-Аҳли” БАА) – 1,50 миллион евро;
- Одилбек Ҳамробеков (“Пахтакор” Тошкент) – 1 миллион евро;
- Иброҳимҳалил Йўлдошев (“Нижний Нова город” Россия) – 900 мың евро;
- Сардор Собирхўжаев (“Пахтакор” Ташкент) – 800 мың евро;
- Достонбек Ҳамдамов (“Ал-Саилия” Қатар) – 800 мың евро;
- Шохруз Норхонов (“Сўғдиёна” Жиззах) – 800 мың евро.
Ертерек , Азияның ең қымбат футболшылары ҳаққында хабар берилген еди. Сондай-ақ , 1-19 июнға шекем Өзбекстанда өткерилген футбол бойынша Азия кубоги U-23 тиң ең қымбат қурамына ийе командалар айтып өтилди.
Мийуагүл Турсынбаева
Қаракалпақстан хабар агентлиги