Жаслар арасында футбол бойынша Өзбекстан Республикасы Мәмлекетлик қәўипсизлик хызмети кубоги ушын жарысларда плей-офф басқышының жеңимпазлары анықланды.
Плей-офф басқышы ойынлары 21-июнь күни басланды. Усы күни Әмиўдәрья ҳәм Төрткүл районларының командалары ушырасты. Бул ойында Әмиўдәрья районы командасы 5:0 есабында жеңиске еристи. Тахтакөпир ҳәм Қанлыкөл районлары командалары ойынында тийкарғы ўақыт 2:2 есабында теңбе-тең жуўмақланды.Пенальтилер бойынша Тахтакөпир районының командасы 4:3 есабында жеңиске еристи. Сондай-ақ, Қоңырат районы ҳәм Нөкис қаласының командалары кейинги басқышқа жоллама алды.
Ярым финал ойынлары 4-июль күни болып өтеди. Онда Әмиўдәрья ҳәм Төрткүл районлары, Тахтакөпир районы ҳәм Нөкис қаласы командалары өз-ара ушырасады. Үшинши орын ушын ҳәм финал ойынлары 5-июль күни болып өтеди.
Мини футбол бойынша плей-офф басқышы ойынлары 27-июнь күни басланады. Усы күни Қоңырат-Нөкис қаласы, 28-июнь күни Хожели-Нөкис, 29-июнь күни Төрткүл-Қанлыкөл, 30-июнь күни Мойнақ ҳәм Тахтакөпир районларының командалары өз-ара ушырасады.
Ярым финал ойынлары 6-июль күни, үшинши орын ушын ҳәм финал ойынлары 7-июль күни болып өтеди.
Қарақалпақстан хабар агентлиги