Жаслар арасында футбол ҳәм мини футбол бойынша Өзбекстан Республикасы Мәмлекетлик қәўипсизлик хызмети кубоги ушын жарысларында плей-офф басқышының қатнасыўшылары анықланды.
Онда төрт топарда биринши ҳәм екинши орынларды ийелеген 8 команда қатнасады.
Футбол бойынша плей-офф басқышы ойынлары 21-июнь күни басланады.Усы күни Әмиўдәрья-Төрткүл, 22-июнь күни Қоңырат-Кегейли, 23-июнь күни Қанлыкөл-Тахтакөпир, 24-июнь күни Нөкис районы ҳәм Нөкис қаласы командалары өз- ара ушырасады.
Ярым финал ойынлары 4-июль күни, үшинши орын ушын ҳәм финал ойынлары 5-июль күни болып өтеди. Жарыслар «Туран» стадионында өткериледи.
Нөкис Олимпия ҳәм паралимпия резервлери колледжинде мини футбол бойынша топар ойынлары жуўмақланды. Соңғы күнги ойынлар төмендеги нәтийжелер менен жуўмақланды: Шоманай-Тақыятас 1:6, Тахтакөпир-Нөкис районы 3:2, Тақыятас- Тахтакөпир 1:2 есабы менен жуўмақланды.
Мини футбол бойынша плей-офф басқышы ойынлары 27-июнь күни басланады. Усы күни Қоңырат-Нөкис қаласы, 28-июнь күни Хожели-Нөкис, 29-июнь күни Төрткүл -Қанлыкөл, 30-июнь күни Мойнақ ҳәм Тахтакөпир районларының командалары өз-ара ушырасады.
Ярым финал ойынлары 6-июль күни, үшинши орын ушын ҳәм финал ойынлары 7-июль күни болып өтеди.
Қарақалпақстан хабар агентлиги