«Халыққа реформалардың мазмун-мәнисин жеткериў, олардың сана-сезими, руўхый-ағартыўшылық дүньяға көзқарасын өзгертиў» атамасында Мәмлекетлик грантлар ажыратыў ушын 2-таңлаўды ЖӘРИЯЛАЙДЫ

Таңлаўға мәмлекетлик емес коммерциялық емес шөлкемлер, ғалаба хабар қураллары ҳәм пуқаралық жәмийетиниң басқа да институтларының төмендеги мақсетлерди нәзерде тутатуғын социаллық әҳмийетке ийе жойбарлары қабыл етиледи:

1. Мәҳәлледе «Жаўызлыққа қарсы ағартыўшылық» идеясы тийкарында кең түрдеги үгит-нәсиятлаў жумысларын системалы шөлкемлестириў;
2. «Мәҳәлле – социаллық әдиллик орны» сүрени астында реформалардың мазмун-мәнисин мәҳәлле халқына сиңдириў;
3. «Әдиллик – нызам үстинлигинде» мәҳәлле пуқараларында жоқары ҳуқықый мәдениятты, нызам ҳәм инсан ҳуқықларына ҳүрмет қарым-қатнасығын қәлиплестириў;
4. «Ғәрезсизлик, бәринен бурын, ҳуқық болып есапланады!» жәмийетте инсанның ҳуқық ҳәм еркинликлерин ҳүрмет етиў мәдениятын қәлиплестириў;
5. «Конституция мениң тәғдиримде» халықты өз ҳуқықларын пуқта билиў ҳәм нызам үстинлигин тәмийинлеўге үйретиў;
6. Мәҳәллелердеги дөретиўшилик жумыслар ҳәм социаллық-руўхый өзгерислерди инглис, рус ҳәм басқа да шет тиллеринде сәўлелендириў және социаллық тармақларға жайластырыў;
7. Жаңа Өзбекстан стратегиясының мәҳәлледеги әмелий нәтийжесин миллий ҳәм сырт ел медиа дәреклеринде сәўлелендириў;
8. Демократиялық реформалардың нәтийжелери, инсан қәдириниң мәҳәлледеги әмелий көринисин баспа ҳәм электрон ғалаба хабар қуралларында кеңнен сәўлелендириў;
9. Мәмлекетлик ҳәкимият ҳәм басқарыў уйымлары жумысының ашық-айдынлығын тәмийинлеў жумысларында пуқаралық жәмийети институтларының жумысын күшейтиў;
10. «Ўатан ҳәмме ушын муқаддес болып есапланады»

Мәмлекетлик грантты ажыратыў ушын төмендеги ҳүжжетлер усынылады:

1. Шөлкемниң басшысы тәрепинен қол қойылған ҳәм мөр менен тастыйықланған жоллама хаты;
2. Олий Мажлис жанындағы жәмийетлик фондтың www.fondngo.uz рәсмий веб-сайтында ҳәм t.me/group_jamoat_fondi телеграм каналында жайластырылған түринде толтырылған мәмлекетлик гранттың жойбары ушын арза;
3. Соңғы өзгерислер ҳәм қосымшалар менен мәмлекетлик дизимнен өткен МКШлар ҳәм пуқаралық жәмийетиниң басқа да институтларының Устав (Реже) нусқасы;
4. Шөлкемниң мәмлекетлик дизимнен өткени ҳаққындағы гүўалық нусқасы;
5. Егер жойбарды әмелге асырыў лициензияланатуғын жумысты талап етсе, онда лицензияның нусқасы;
6. Мәпдар мәмлекетлик ҳәм жәмийетлик шөлкемлердиң усыныс ҳәм қоллап-қуўатлаў хатлары.

Бир жойбар ушын ажыратылатуғын грант муғдары – 100 миллион сумға шекем.

Ҳүжжетлер  2022-жыл 30-апрельден 31-майға шекем қабыл етиледи.

Ҳүжжетлер  Өзбекстан Республикасы Олий Мажлиси жанындағы МКШларды ҳәм пуқаралық жәмийетиниң басқа да институтларын қоллап-қуўатлаў жәмийетлик фондының атына «Өзбекстан почтасы» арқалы жиберилетуғын мөрленген конвертлерде (А4 форматта) төмендеги мәнзил бойынша қабыл етиледи: 100035, Ташкент қаласы, Бунёдкор көшеси, 1-жай.

Ҳүжжетлерди усыныў шәртлери ҳәм үлгилери менен Олий Мажлис жанындағы жәмийетлик фондтың www.fondngo.uz рәсмий веб-сайтында танысыў мүмкин.

Мағлыўмат ушын телефонлар: (0-371) 239-26-76, 239-26-86.