Ташкент қаласындағы «Өзэкспоорай» орайлық көргизбелер комплексинде «Uzbekistan Industrial exhibitions-2022» халықаралық санаат көргизбеси болып өтпекте.
Өзбекстан Республикасы Инвестициялар ҳәм сыртқы ислер министрлиги, Транспорт министрлиги, Мәмлекетлик геология ҳәм минерал ресурслар комитети, Айрықша жағдайлар министрлигиниң Мәмлекетлик өрт қадағалаўын шөлкемлестириў бас басқармасының жәрдеминде өткерилип атырған бул илажға Өзбекстан, Беларусь, Германия, Ҳиндстан, Иран, Италия, Қазақстан, Қытай, Корея Республикасы, Пакистан, Россия, Түркия, Чехия, Швейцария сыяқлы 14 мәмлекеттен 100 ге шамалас компанияның ўәкиллери қатнаспақта.
«International Expo Group» көргизбе компаниясының 2022-жылғы жаңа мәўсимдеги халықаралық санаат көргизбеси 7-апрельге шекем даўам етеди.
Қарақалпақстан хабар агентлиги