Ҳәзирги күнде Қоңырат районында 32 мәмлекетлик мектепке шекемги билимлендириў шөлкеми, 1 шөлкемге қараслы, 2 мәмлекетлик емес мектепке шекемги билимлендириў шөлкеми, 10 мәмлекетлик-жеке меншик шериклик мектепке шекемги билимлендириў шөлкеми ҳәм 52 шаңарақлық мәмлекетлик емес мектепке шекемги билимлендириў шөлкеми жумыс ислемекте.
Районда 3-7 жастағы балалардың саны 10326 болып, соннан ҳәзирги күнде 9190 (89%) бала мектепке шекемги билимлендириў шөлкемлерине қамтып алынған.
- Мәмлекетлик мектепке шекемги билимлендириў шөлкемлеринде 6928, бир шөлкемге қараслы мектепке шекемги билимлендириў шөлкеминде 82, еки мәмлекетлик емес мектепке шекемги билимлендириў шөлкемлеринде 196, он мәмлекетлик-жеке меншик шериклик мектепке шекемги билимлендириў шөлкемлеринде 724 ҳәм 52 шаңарақлық мектепке шекемги билимлендириў шөлкемлеринде 1260 бала тәлим-тәрбия алып келмекте,-дейди Қоңырат районы МШББ баслығы Р.Ишмуратов.
Районда 6 жастағы 2882 бала бар. Соның 89,4 проценти мектепке шекемги билимлендириў шөлкемлерине қамтып алынған.
2021-жылғы Инвестициялық бағдарламаға муўапық Республика бюджетинен 4746 млн. сум қаржы ажыратылып, 1 мәмлекетлик мектепке шекемги билимлендириў шөлкеминде реконструкциялаў, қурылыс-оңлаў жумыслары алып барылды. Жергиликли бюджет есабынан 5836 млн. сум қаржы ажыратылып 10 мәмлекетлик мектепке шекемги билимлендириў шөлкеминде оңлаў жумыслары әмелге асырылды.
Өткен жыл даўамында райондағы мәмлекетлик мектепке шекемги билимлендириў шөлкемлериниң материаллық-техникалық базасын жақсылаў мақсетинде жергиликли бюджет есабынан 2494 млн. сум қаржы ажыратылып, мүтәжлиги бар шөлкемлердиң барлығы керекли мебельлер менен тәмийинленди.
2022-жылдың биринши шерегине келип райондағы «Сүўенли» АПЖ аймағынан исбилермен М.Алланов тәрепинен 25 орынлық 1 шаңарақлық МШБШ ҳәм «Қыпшақ» АПЖ аймағынан «Абат аўыл» бағдарламасы тийкарында 90 орынлық 1 мәмлекетлик мектепке шекемги билимлендириў шөлкемин ашыў режелестирилген.
2022-жыл даўамында 1 мәмлекетлик, 10 шаңарақлық мектепке шекемги билимлендириў шөлкемин, ал, 2023-2026 жылларда болса, 3 мәмлекетлик, 28 шаңарақлық, 1 мәмлекетлик-жеке меншик шериклик мектепке шекемги билимлендириў шөлкемлерин ашыў ең тийкарғы ўазыйпа сыпатында белгиленген.
Солай етип, 2022-жылдың биринши шерегине келип аймақтағы 3-7 жастағы балаларды МШБШға қамтып алыўды 90 процентке, ал жыл ақырына келип 92,4 процентке жеткериў режелестирилмекте.
Ә.Жиемуратов,
Қарақалпақстан хабар агентлиги