Бозатаў районындағы пуқаралардың өзин-өзи басқарыў уйымларында ислеўши 21 пуқара жәми болып 73 миллион 450 мың 709 сум арнаўлы үстеме пулын өндириў бериў бойынша арза менен мүрәжат етти.
Бөлим хызметкерлери тәрепинен арзаларды мониторинг етиў жолы менен үйренилгенде, ҳақыйқатында да арза ийелери ҳақ екенлиги анықланды. Үйрениў нәтийжесинде, Өзбекстан Республикасы Мийнет Кодексиниң 161-статьясында мийнетке ҳақы төлеў мүддети жәмәәтлик шәртнамасы ямаса басқа локал нормативлик ҳүжжетте белгилениўи ҳәм ҳәр ярым айда Өзбекстан Республикасы Пуқаралық Кодексиниң 171-статьясы 5-бәнтинде есапланған, бирақ хызметкерге төленбеген мийнет ҳақысы ҳәм басқа да оған теңлестирилген төлемлерди өндириў ҳаққында талап шағым етилген болса, судтың буйрығы берилиўи белгиленгенлиги есапқа алынып, 2021-жылдың ноябрь айында пуқаралық ислери бойынша Шымбай районлар аралық судына оны өндириў бойынша арза киргизилди.
Судтың тийисли суд ҳүжжетлерине тийкарланып район ҳәкимлигинен пуқаралардың өзин-өзи басқарыў уйымларында ислеўши 21 пуқараға жәми 73 миллион 450 мың 709 сум арнаўлы үстеме пулының өндирилиўи белгиленген.
Н.ТАЙРОВ,
Бозатаў районы Әдиллик бөлиминиң баслығы.
Қарақалпақстан хабар агентлиги