Усы жылы халықты бийдай ҳәм ун өнимлери менен турақлы тәмийинлеў мақсетинде Өзбекстанда 1 млн 27 мың гектар жер майданында бийдай егилди, нәтийжеде усы жылдың июнь-июль айларында 7 млн 679 мың тонна өним жетистириў режелестирилген.
Бул көрсеткиш өткен жылға салыстырғанда 1 миллион тоннаға көп. Өткен жылдың ақырына шекем 2 млн 771 мың тонна бийдай дәни ҳәм 357,7 мың тонна ун жеке меншик сектор тәрепинен импорт етилген.
2022-жылы халықты қумшекер өнимлери менен кепилликли тәмийинлеў мақсетинде республикамызда 600 мың тонна ислеп шығарыў режелестирилген. 23 мың тонна қумшекер ҳәм 620 мың тонна қумшекер шийки заты импорт етилген.
Аўыл хожалығы министрлигиниң атап өтиўинше, Россия Федерациясы тәрепинен киргизилген ўақытша шеклеўлер елимизде бул өнимлердиң көлемине тәсир етпейди.
Қарақалпақстан хабар агентлиги