Oʻzbekiston va Belarus Qishloq xoʻjaligi ekinlari navlarini sinash markazlari oʻrtasida hamkorlik dasturi imzolandi

Oʻzbekiston va Belarus Qishloq xoʻjaligi ekinlari navlarini sinash markazlari oʻrtasida hamkorlik dasturi imzolandi

Xabar berganimizdek, Prezidentimiz Shavkat Mirziyoyevning Belarus Respublikasiga rasmiy tashrifi arafasida Minskda Oʻzbekiston – Belarus hududlararo forumi oʻtkazilmoqda.
Oʻzbekiston Respublikasi Qishloq xoʻjaligi vazirligi matbuot xizmatining OʻzAga malum qilishicha, forumda Oʻzbekiston – Belarus Qishloq xoʻjaligi vazirliklari huzuridagi Qishloq xoʻjaligi ekinlari navlarini sinash markazlari tomonidan 2019-2020-yillarga moʻljallangan hamkorlik dasturi imzolangan.
Soʻnggi yillarda ikki mamlakat oʻrtasidagi aloqalar jadal rivojlanib bormoqda. Oʻtgan yil yakunlari boʻyicha Oʻzbekiston va Belarus oʻrtasidagi tovar aylanmasi 20 foizga ortgan. Hududlararo hamkorlikning yaxshi yoʻlga qoʻyilgani sohada bu kabi natijalarga erishishda muhim omil boʻlayotgani alohida taʼkidlandi.
Forum oʻz ishini uchta seksiyaga boʻlingan holda olib bormoqda. Jumladan, sanoat kooperatsiyasi sohasidagi oʻzaro hamkorlikni yanada kengaytirish, agrosanoat kompleksi, oziq-ovqat sanoati va xavfsizligiga oid hamkorlik istiqbollari kabi masalalar muhokama qilinmoqda.
Yakunda ikki tomon oʻrtasida qator hujjatlar imzolanishi kutilmoqda.

 

A. Musayev, OʻzA

  30.07.2019, 10:24  |    55 marta ko'rildi

Raxmat

Sayt administratsiyasi xato matn haqida ogohlantirildi!