Бүгин – 25-июль күни Әжинияз атындағы Нөкис мәмлекетлик педагогикалық институтында кеңейтилген мәжилис болып өтти. Мәжилис күн тәртибинде институт ректорлығына тайынлаў мәселеси көтерилди.

Нөкис мәмлекетлик педагогикалық институты ректоры етип Өтемуратов Байрам Пердебаевич тайынланды.

Мағлыўмат ушын, Өтемуратов Байрам Пердебаевич усы күнге шекем Бердақ атындағы Қарақалпақ мәмлекетлик университети физика-математика факультети деканы лаўазымында ислеп киятырған еди. Физика-математика илимлериниң кандидаты, доцент.

Еслетип өтемиз, Қарақалпақстан Республикасы Прокуратурасы тексериўинен соң Нөкис мәмлекетлик педагогикалық институтының бурынғы ректоры Қуўанышбай Оразымбетов усы жылдың июнь айының басларында лаўазымынан азат етилген еди.

Ислам Матеков,

Қарақалпақстан хабар агентлигиниң шолыўшысы.